Փաստ ինֆո

ԱՄՆ-ի Հյուսիսային Կարոլինա նահանգում ընտանիքը փրկել է «Հելեն» փոթորկից տուժած թոռանը՝ շան շնորհիվ: Այս մասին հայտնում է WCNC-TV-ն։

Փոթորկի հետևանքով առաջացած սողանքը հարվածել է 11-ամյա Ջեյմի Փարքերի տատիկի և պապիկի տանը, երբ նա այնտեղ էր այն ժամանակ քրոջ՝ Ջեմմայի և Թաքեր անունով շան հետ։ Ինչպես պատմում է տղան, ցեխի ու քարերի հոսքը նրան դեմքով սեղմել էր պատին, որից հետո նա ընկել է աղետից հետո մնացած երեք մետր բարձրությամբ փլատակների տակ։

Պարկերը օգնություն էր կանչում, բայց ոչ ոք նրան չէր լսում: Տղայի խոսքով՝ փլատակների տակ գտնվելով՝ ինքը չի տեսել արևի լույսը, բայց զգացել է, որ ջուրը կաթում է իր վրա. դրսում անձրև էր գալիս: Նա մտածում էր, որ կամ ջրահեղձ կլինի, կամ օդը կսպառվի, եթե չհանեն իրեն։ «Ինձ թվում էր, թե հավերժ կմնամ այնտեղ», - խոստովանել է տղան:

Պապին ու տատին հաջողվել է գտնել Ջեմմային, սակայն նրանք ոչ մի կերպ չեն կարողացել գտնել Պարկերին։ Հանկարծ նրանք լսել են Թաքերի հաչոցը։ «Ես կարծում էի, որ նա խելագարվել է», -ասում է տղայի պապը: Շունը տեղից չի իջել և չի դադարել ոռնալ, մինչև դեպքի վայր չեն ժամանել փրկարարները: Նրանք հասկացել են, որ Թաքերը գտել է տղային և դուրս են հանել նրան փլատակների տակից։

Պարկերը վստահ է, որ Թաքերը նրան հայտնաբերել է իր զգայուն քթի և մեծ ականջների շնորհիվ։ Ամբողջ ընտանիքը տեղափոխվել է հիվանդանոց։ Բուժքույրերը տուժածներին իրենց գումարով գնել են առաջին անհրաժեշտության իրեր, քանի որ նրանց մոտ ոչինչ չէր մնացել եւ թույլ են տվել մնալ հիվանդանոցում, մինչեւ նրանք նոր տուն գտնեն։

Տղան ուրախ է, որ նրանք բոլորը, այդ թվում՝ Թաքերը, ողջ են մնացել։ Նա բացատրել է, որ ինքը և քույրը մեկ տարի առաջ ապաստարանում շուն են գնել և այդպիսով փրկել Թաքերին էվթանազիայի ենթարկվելուց:

Աղբյուր` Փաստինֆո