Փաստ ինֆո

Իսրայելն արդեն երրորդ անգամ է թիրախավորում Լիբանանի մայրաքաղաքը՝ Բեյրութը, սակայն այս անգամ հարվածն ուղղված էր կենտրոնին։ Լիբանանում «Ազդակ» հայկական օրաթերթի գլխավոր խմբագիր Շահան Գանտահարյանի փոխանցմամբ՝ ենթադրաբար հարվածն ուղղված է եղել «Հեզբոլլահ»-ի արտաքին հարաբերությունների համակարգող Վաֆիք Սաֆանի դեմ, սակայն «Հեզբոլլահ»-ը հայտնել է, որ մահափորձից նա փրկվել է։

«Փաստինֆո»-ի հետ զրույցում Գանտահարյանը հայտնեց, որ այս պահի դրությամբ իրավիճակը ավելի հանգիստ է, բախումները կենտրոնացած են հարավային հատվածում՝ ցամաքային գործողությունների ուղղությամբ, բայց մի ուշագրավ բան էլ կա , որ Իսրայելը կրակել է նաև ՄԱԿ-ի խաղաղապահ առաքելության ուժերի ուղղությամբ, ինչը միջազգային հնչեղություն է ստացել, որից հետո Իսրայելը հայտարարել է , որ իրենք նախազգուշացրել են, որ պետք է խփեն։

«Ակտիվ քննարկվում են նաև, որ Միացյալ Նահանգների ու Իսրայելի բանակցությունները։ Ըստ լրահոսի՝ ԱՄՆ -ն հորդորում է, որ Իսրայելը չխփի Իրանի միջուկային կետերին»,- ասաց լիբանանահայ խմբագիրը՝ նշելով, որ այդ կոնտեքստում պետք է ընկալել ԱՄՆ նախագահի և Իսրայելի վարչապետի 50 րոպե տևած հեռախոսազրույցը, քանի որ հիմա կենտրոնացում կա Իսրայելի կողմից Իրանին ուղղվելիք հակադարձության, դրա ձևաչափի ու թիրախայնության ուղղությամբ։

Շ.Գանտահարյանը նկատեց, որ կա ԱՄՆ-ի հորդորը՝ հարցին տալ դիվանագիտական լուծում, բայց կա այստեղ նաև հակասություն։Մի կողից ԱՄՆ-ն ասում է, որ հակամարտության լուծման միակ ուղին պետք է լինի դիվանագիտական ճանապարհը, մյուս կողմից նույն այդ երկիրն արդարացնում է Իսրայելին՝ իր գործողությունների հարցում», -ասաց Շահան Գանտահարյանը։

Ավելի վաղ հաղորդել էինք, որ Իսրայելը ռմբակոծել է Լիբանանի մայրաքաղաք Բեյրութը, որի հետեւանքով կա 22 զոհ, եւս 117 մարդ վիրավորվել է։

Աղբյուր` Փաստինֆո