Փաստ ինֆո

Վատ լուսավորությունը ազդում է ինչպես մարմնի ֆիզիոլոգիական գործընթացների, այնպես էլ մարդու հոգեկան առողջության վրա, Lenta.ru-ին տված հարցազրույցում ասել է նյարդաբան Պոլինա Լեպիլովան։

Բժիշկը բացատրել է, որ բնական արևի լույսն օգնում է կարգավորել վիտամին D-ի նյութափոխանակությունը մարմնում, ինչը կարևոր է կալցիումի և ֆոսֆորի կլանման, հորմոնների արտադրության և ոսկորների առողջության պահպանման համար։ Բացի այդ, արևի լույսը դրական է ազդում էմոցիոնալ վիճակի և ընդհանուր ինքնազգացողության վրա: Արևի լույսի պակասը բացասաբար է անդրադառնում հոգեկանի վրա և կարող է հանգեցնել հոգնածության, ապատիայի և նույնիսկ դեպրեսիվ խանգարումների զարգացման՝ զգուշացրել է փորձագետը։

Բժշկի խոսքով՝ արհեստական լուսավորությունն ազդում է մարդու հուզական վիճակի վրա։ Օրինակ, տաք լույսը նպաստում է թուլանալուն և հանում սթրեսը, մինչդեռ սառը լույսը, ընդհակառակը, մեծացնում է կենտրոնացումը և խթանում ակտիվությունը:

«Արհեստական լույսը չի կարող ամբողջությամբ փոխարինել բնական արևի լույսին, քանի որ վերջինս պարունակում է ուլտրամանուշակագույն ճառագայթում, որն անհրաժեշտ է վիտամին D-ի արտադրության համար»,- նյարդաբանի խոսքերն է մեջբերում հրատարակությունը։

Նյարդաբանը միաժամանակ ընդգծել է, որ արհեստական լուսավորությունը նաև կարող է բացասական ազդեցություն ունենալ օրգանիզմի վրա։ Օրինակ, էլեկտրոնային սարքերի չափից ավելի օգտագործումը, ինչպիսիք են բջջային հեռախոսները կամ համակարգիչները, որոնք կապույտ լույս են արձակում, կարող են տեսողության խնդիրներ առաջացնել:

Աղբյուր` Փաստինֆո