Փաստ ինֆո

ԲԴԽ-ն ՍԴ որոշման հիման վրա փաստացի վերանայում չի իրականացնում, ստվերային արդարադատության համատեքստում ինչ-որ գործողություններ է իրականացնում, ապա ՄԻԵԴ-ը, նման պրակտիկան հաշվի առնելով, արդյո՞ք պահանջ կներկայացնի՝ գործերի վերանայման։ Կարծում եմ՝ ոչ, հնարավոր է, որ կիրառվի Վոլկովն ընդդեմ Ուկրաինայի գործով բացառիկ արձանագրումը, որ առկա չէ պատշաճ դատարան, որն ի զորու է վերանայելու դատավորի գործի, ուստի, դատավորը ենթակա է վերականգնման։ Այս մասին լրագրողների հետ զրույցում ասաց Երևանի ընդհանուր իրավասության՝ քրեական դատարանի դատավոր Դավիթ Հարությունյանը։

«Իրենց պետք է հայտնի լինի, որ նման նախադեպեր ստեղծելով՝ ոչ միայն իմ գործով, այլև՝ մյուս դատավորների գործով իրավիճակ են ստեղծում, որ պետությանը փաստի առաջ են կանգնեցնում։ Տեսեք, արդարադատության նախարարը հրաժարական է տվել, ավել բան չեմ ուզում ասել, հեռացել է, կարող է հեռանալ Կարեն Անդրեասյանը, բայց խնդիրը հետևյալն է՝ այս ամբողջի արդյունքների, այս ամենի հաշիվն ով է փակելու։ Օրինակ՝ ինչ-որ մեկը մտել է ռեստորան, հաց է ուտում, վերջում ՝ջարդում-փշրում, հեռանում, այդ հաշիվներն ո՞վ է փակելու»․- ասաց Դավիթ Հարությունյանը։

Աղբյուր` Փաստինֆո