Փաստ ինֆո

Ալիևը երբևէ խաղաղության պայմանագիր չի ստորագրելու, այս մասին դեռ 2020 թ-ի նոյեմբերի 10-ին եմ ասել։ Եթե Ալիևը ամեն ինչ կարող է ստանալ առանց դրա, ինչո՞ւ լրացուցիչ պարտավորության ներքո մտնի, որից հետո չկարողանա լրացուցիչ պահանջներ առաջ քաշել։ Դրա վառ օրինակն է 2 օր առաջ հնչեցրած հայտարարությունը, ըստ որի՝ բոլոր նրանք, ովքեր ԼՂ-ում եղել են կամ զենք են բռնել՝ հանցագործներ են։ Այս մասին «Փաստինֆո»-ի տաղավարում ասաց ռազմական փորձագետ, պահեստազորի գնդապետ Հայկ Նահապետյանը։

«Եթե նայենք Ադրբեջան պետության ղեկավարի տեսանկյունից՝ ինքը ճիշտ է ասում, որովհետև Փաշինյանը ճանաչել է Արցախը Ալմա Աթայի հռչակագրի հիման վրա Ադրբեջանի մաս, հետևապես Ադրբեջանի տարածքում 1991 -ից ի՞նչ գործ ուներ ՀՀ քաղաքացին, առանց Ադրբեջանի պատկան կառույցների վիզայի տրամադրման, էլ չեմ ասում՝ զենքով, էլ չեմ ասում՝ ադրբեջանական բանակի դեմ կռնելով։ Այսինքն, այդ հոդվածի տակ մտնում են և Փաշինյանը տիկինը, և նրա զավակը, որը այնտեղ ծառայել է, զենք է կրել, մասնակցել է մարտական գործողությունների, ըստ իրենց ասելու»,-ասել է Հայկ Նահապետյանն՝ ավելացնելով. «Վստահաբար եմ ասում՝ սա մի գործընթաց է, որտեղ Ադրբեջանի նախագահը հետամուտ է լինելու 100 000-ից ավել ՀՀ քաղաքացիների նկատմամբ միջազգային հետախուզում հայտարարելուն։ Նա հիմա էլ հայտարարում է, որ 1991 թ-ին մարդիկ իր տարածքում ավերել են գյուղեր քաղաքներ»։

Փորձագետի արձանագրմամբ՝ սա ՀՀ իշխանությունների գլխին մահակ է, որով Ալիևը կարող է պարտադրել, որ ՀՀ բարձրագուն ղեկավարությանը , 1-ին, 2-րդ, 3-րդ նախագահներին, ուժային կառույցների ղեկավարներին, վարչապետերին , ազգայի հերոսներին, մարտական խաչի կողներին, կառավարական պարգևներ ստացողներին հանձնել իրեն։ Այսինքն, վաղ թե ուշ Ալիևը գալու է Հայաստան այս իմաստով, իսկ Փաշինյանն իր իշխանությունը պահելու համար չեմ բացառում այդ զիջմանը գնա ու 100-ներով ձերբակալի մարդկանց»։

Աղբյուր` Փաստինֆո