Փաստ ինֆո

Բագրատ Սրբազանին հաջողություն եմ ցանկանում, եւ, որպեսզի ինքը հասնի այդ հաջողությանը, մի քանի նկատառում եմ հայտնում, ինչը մինչ այժմ չեմ ասել, որպեսզի դա չընկալվի որպես քննադատություն, կամ' չուզողություն։ Այս մասին գրել է քաղաքագետ Ստեփան Դանիելյանը.

«Հարգելի Սրբազան, չնայած արդեն բավականին ուշ է, այնուամենայնիվ, հրապարակային կերպով հայտարարեք Ձեր թիմի կազմն, անուն, առ անուն։ Ովքեր են որոշումներ կայացնում, կազմի որ անդամը կազմակերպչական որ ուղղության համար է պատասխանատուն։

Եթե Ձեր միակ ռեսուրսը ժողովուրդն է, ապա ժողովրդի առջեւ պետք է լինեք բացարձակ թափանցիկ։

Ցանկացած իշխանափոխություն ենթադրում է նոր ընտրություն, նոր կառավարության կազմը։

Ներկայացրեք Ձեր կառավարության ստվերային կազմը, նախընտրական հնարավոր ցուցակը, եւ, վերջապես, Ձեր վարչապետի թեկնածուն։

Սա ընդունեք որպես ոչ թե քննադատություն, այլեւ որպես հաջողության հասնելու կարեւոր նախապայման։

Սա անհրաժեշտ քայլերի վերջը չէ, այլ ընդամենը սկիզբը։ Մնացածը' հաջորդիվ, երբ այս քայլերն իրականացնեք։

Այս քայլերը պետք է ընդունել որպես մեթոդաբանություն եւ' նոր մշակույթ, ինչը ոչ միայն Սրբազանին է վերաբերվում, այլ բոլորին, ովքեր քաղաքականություն մտնելու հայտ են ներկայացնում։

Մեր միակ հաջողված նախագիծը եղել է "Ղարաբաղ Կոմիտեն", որտեղ պարզ էր որոշում ընդունողների կազմը, ոլորտների պատասխանատուների անուններն ու աշխատանքի ուղղությունները, տեղական կառույցների կազմը»։

Աղբյուր` Փաստինֆո