Փաստ ինֆո

Խնդիրը հանրահավաքը չէ, այլ այն, թե ինչ է այդ հանրահավաքին ասվում, և խնդիրը հետագա քայլերն են, նպատակներն են, ռեսուրսներն են, դա այն էր, ինչի մասին մենք ցավոք, չլսեցինք, և հետևաբար պատահական չէ, որ շարժումը գնում է դեպի մարում։ Այս մասին «Փաստինֆոյի» հետ զրույցում ասաց քաղաքական մեկնաբան Արմեն Բադասարյանն՝ անդրադառնալով տևական դադարից հետո նախօրեին «Սրբազան պայքարի» կողմից հրավիրված հանրահավաքին։

«Մարդիկ, դժգոհ են այս իշխանություններից, շատ դժգոհ են, բայց ցանկանում են իմանալ, ինչ է լինելու իշխանափոխությունից հետո, որովհետև իշխանափոխությունը նպատակ չէ, միջոց է, որից հետո պետք է իրականացվեն նպատակները։ Քանի դեռ այդ նպատակները չեն ասվում՝ մարդիկ, որքան էլ դժգոհ լինեն այս իշխանություններից, չեն գնալու այդ շարժման կամ որևէ այլ շարժման հետևից, որովհետև մենք 6 տարի է տեսնում ենք, թե ինչ է լինում, երբ անծրագիր մարդիկ, կենացային, լոզունգային խոսքերով վերցնում են իշխանությունը»,-ասաց նա՝ ընդգծելով, որ իրականում այլևս քիչ մարդ կա հանրահավաքներին, որովհետև մարդիկ չգիտեն, թե ինչ է լինելու հետո։

Նա ընդգծեց, որ անպատրաստ քայլերվ ընդդիմությունը պարզապես գոլորշին բաց են թողնում։ «Երեկվա իր ելույթից հետո ընդդիմությա՞ն վարկանիշը բարձրացավ, թե՞ իշխանության։ Չէ՞ որ ներքաղաքական պայքարի թիվ մեկ նպատակը վարկանիշ ձեռք բերելն է, ընդդիմությունը երեկ ինքն իր ոտքին կրակեց, գնաց և ցույց տվեց, որ ասելիք չունի, իրականում պետք չէր գնալ։ կամ պետք էր գնալ պատրաստված»,-ասաց նա ընդգծելով, որ ցավով է ասում, որովհետև կարծում է, որ այս իշխանությունը պետք է օր առաջ հեռանա։

Աղբյուր` Փաստինֆո