Փաստ ինֆո

26-ամյա Էլլի Հարիսոնը պատմել է, որ հինգ տարի առաջ իր մոտ ՄԻԱՎ է հայտնաբերվել։ Metro-ի հեղինակային սյունակում երիտասարդ կինը ախտորոշումից հետո կիսվել է իր անձնական կյանքի մանրամասներով:

Հարիսոնի խոսքով՝ ինքը պարբերաբար թեստեր է հանձնել՝ առողջական վիճակը վերահսկելու համար։ Երբ նա 21 տարեկան էր, բժիշկները նրա մոտ ՄԻԱՎ էին ախտորոշել։ Վերապրած ցնցումից հետո հիվանդը սկսել է պատրաստվել լայնածավալ թերապիայի, բայց նրան ընդամենը նշանակել են օրական մեկ դեղահաբ ընդունել՝ օրգանիզմի վրա վիրուսային բեռը նվազեցնելու համար: «Մնացած ժա,ամալ ես սովորական մարդու կյանք եմ վարում, - ասել է նա: Երբ ես ընտանիքիս ու ընկերներիս պատմեցի հիվանդության մասին, նրանք ինձ աջակցեցին»։

Սակայն համալսարանում նա խնդրի առաջ է կանգնել. երբ իմացել են նրա դրական ՄԻԱՎ կարգավիճակի մասին, սկանդալ է բռնկվել, քանի որ մյուս ուսանողները վախենում էին նրա կողքին լինել:

Հարիսոնը փաստել է, որ հասարակության մեջ դեռ համոզված են, որ ՄԻԱՎ-ով կարելի է վարակվել, օրինակ, համբույրների միջոցով: Եվ դրա պատճառով նա պարբերաբար դժվարություններ է ունենում: «Ժամադրություններից մեկի ժամանակ տղան վախեցել է նույնիսկ դիպչել ինձ, երբ իմացել է ՄԻԱՎ-ի մասին: Մեկ այլ տղամարդ իմ հիվանդության մասին իմացավ երկրորդ ժամադրության ժամանակ և բռունցքներով հարձակվեց ինձ վրա, այնուհետև նա վազում էր իմ հետևից փողոցով՝ անընդհատ վիրավորելով ինձ», - պատմել է աղջիկը:

Աղջիկը նաև ասել է, որ ամեն անգամ, երբ բացատրում է վիրուսի փոխանցման ուղիները, մարդիկ կրկնակի ստուգում են նրա խոսքերը ցանցում: «Շատերը վախենում են շփվել ՄԻԱՎ-ով վարակված անձի հետ։ Բայց ես նրանց համար սպառնալիք չեմ ներկայացնում որպես սեռական զուգընկեր։ Դեղորայքի ընդունման շնորհիվ ես չեմ կարող վիրուսը փոխանցել մեկ ուրիշին», - հայտարարել է Հարիսոնը։

Աղբյուր` Փաստինֆո