Փաստ ինֆո

ժողովուրդը մանդատ չի տվել տարածքներ հանձնելու։ Պարոն Փաշինյան քանի որ ասացիք, որ գաղտնիք չկա, բովանդակությունը հրապարակված է, այդ դեպքում անհասկանալի է , թե ինչու է պայմանավորված արգելքը, որ ընդդիմադիր պատգամավորները ծանոթանան այդ փաստաթղթին (Խաղաղության պայմանագրին հեղ․)։ Այս մասին ԱԺ-ում հարցուպատասխանի ընթացքում ասաց «Հայաստան» խմբակցության պատգամավոր Արծվիկ Մինասյանը՝ դիմելով Փաշինյանին։

Արծվիկ Մինասյանը, անդրադառնալով Ադրբեջանի հետ սահմանազատման հարցերի հանձնաժողովի կանոնակարգի վավերացման գործընթացին, որով պետական սահմանի սահմանազատման աշխատանքներ իրականացման իրավական հիմքերի ստեղծման ապահովման համար է, հետաքրքրվեց, թե այդ դեպքում ինչ իրավական հիմքով էր 2020 -21թթ Սյունիքի մարզում՝ Շուռնուխում, հանձնվում ՀՀ իրավազորության ներքո գտնվող տարածքները, ՀՀ քաղաքացիների սեփականությունը, որոնք հաստատվում էին կադաստրի վկայականներով, ինչ հիմքով է 2024թ Կիրանցի հատվածում ՀՀ իրավազորության ներքո գտնվող տարածքը, ՀՀ քաղաքացիների սեփականությունը հանդիսացող գույքը փոխանցվել Ադրբեջանին։

«Եթե նոր է ստեղծվում այդ իրավական հիմքը, ապա ձեր գործողությունը ինչպես կգնահատեք՝ հանցագործություն, ապաշնորհություն։ Եթե իրավական հիմք է ստեղծվում, հնարավո՞ր է, որ նոր տարածքներ զիջվեն»,- ասաց Մինասյանը՝ նշելով, որ միայն այս իշխանությունների օրոք է խոսվում ՀՀ իրավազորության ներքո գտնվող տարածքների հանձնման մասին։

Մինչ Փաշինյանը կպատասխաներ՝ Ալեն Սիմոնյանը հայտարարեց, թե ՀՀ տարածքից երեք որևէ մեկը ոչինչ չի հանձնել, եթե հաշվի չառնեն 1920թ-ը, երբ ՀՀ-ն հանձնեց Դաշնակցությունը։ Փաշինյանն էլ շարունակեց՝ հայտարարեց, թե ՀՀ տարածքից որևէ միլիմետր չի հանձնվել, հակառակը՝ արձաագրվել է ՀՀ տարածքային ամբողջականությունը կամ ամբողջականության անկյունաքարը։

Ինչ վերաբերում է խաղաղության պայմանագրի տեքստին ծանոթանալուն, ապա Փաշինյանը հայտարարեց, թե ինքն է արգելել ընդդիմադիրներին թույլ տալ ծանոթանալ խաղաղության պայմանագրին։ Ըստ Փաշինյանի՝ կան ՀՀ-ից օկուպացված տարածքներ, որը ռազմական ճանապարհով վերադարձնելու խնդիր չենք դնում։

Աղբյուր` Փաստինֆո