Փաստ ինֆո

Նիկոլ Փաշինյանն այսօր հայտարարել է, թե Կիրանցի բնակիչներին սեփականության վկայականներ տալու հիմքեր չեն գտել։

Մասնավորապես, այսօր ԱԺ նիստում Արծվիկ Մինասյանը հիշեցրեց, որ Կիրանցի բնակիչներն ունեն սեփականության վկայականներ։

«Այդ վկայականները տրված էր ՀՀ անունից և դրանք տրված էր ՀՀ անունից և նրանք՝ որպես սեփականատեր իրավունք ունեին տնօրինելու, տիրապետելու, օգտագործելու։ Կապ չունի, որ նույնիսկ, եթե փոխհատուցում եք տվել մարդկանց, դա ՀՀ իրավազորության ներքո գտնվող հող է։ Կա հստակ սեփականություն՝ ՀՀ իրավազորության ներքո, ձեր գործողությունը (Ադրբեջանին փոխանցելը հեղ․), որը կատարել եք, ինչ է՝ հանցագործություն է, ապաշնորհություն է, ինչ է»,- ասաց Մինասյանը։

Նիկոլ Փաշինյանն էլ հայտարարեց, թե սահմանազատման գործընթացում ծագել են սեփականության վկայականների հարցեր, պետք է հասկանալ՝ սեփականության վկայականի հիմքերը որոնք են, ինչ հիմքեր են։

«Գնացել ենք այդ հիմքերի հետևից և չենք գտել այդ հիմքերը։ Այդ սեփականության վկայականներ տալու առիթն ուղարկվել է իրավապահներին, որ պարզեն՝ ինչպես է, որ հիմքը չկա, վկայականը՝ կա, գուցե որոշ պաշտոնյաներ չարաշահում են թույլ տվել, քննություն կլինի՝ կասենք»,- ասաց Փաշինյանը։

Ի դեպ, «Փաստինֆո»-ի գրավոր հարցմանն ի պատասխան օգոստոսին ՀՀ գլխավոր դատախազությունից հայտնել էին, թե քրեական վարույթ չկա նախաձեռնված։

ԱԱԾ-ն չգիտի ինչպես վարվել ԱՆ հայտարարության հետ․ պատժել՝ նախարարությանը՝ հիմնազուրկ կեղծ հայտարարության համար, թե Փաշինյանին՝ Կիրանցի բնակիչների սեփականությունը Ադրբեջանին հանձնելու համար

Աղբյուր` Փաստինֆո