Փաստ ինֆո

44-օրյանին հայ զինվորը չի պարտվել, 8 պետություն գազանաբար հարձակվել էր մեր երկրի վրա, բայց այդ պետություններին 44-օրյայի ընթացքում ոչինչ չհաջողվեց գրավել, բացի Ջաբրայիլից։ Այս մասին «Փաստինֆոյի» տաղավարում հայտնեց Միլիցիայի հատուկ նշանակության ջոկատների վետարանների միության նախագահ, Մարտական խաչի առաջին աստիճանի ասպետ Գրիշա Սարգսյանը։

«Սկսած Քարվաճառից, Վարանդայից, Աղդամից մինչև Շուշի՝ բոլորը Հայաստանի ու Արցախի դավաճան իշխանությունները նվիրել են Ադրբեջանին», - նշեց նա։

Նա պատմեց, որ այդ օրերին Մատաղիսում է եղել և վստահ է, որ ունեինք բոլոր տեսակի զինամթերքները՝ հակառակորդին անդառնալի հարվածներ հասցնելու համար։

«Մենք ունեինք համապատասխան բալիստիկ հրթիռները, միլիոն անգամ զգուշացրին, որ պետք է ուժերը կենտրոնացնել ու Հայաստանի զինանոցում եղած բոլոր ռակետներով հարվածել Ջաբրայիլին ու միանգամից իրենց ուժերը կոչնչացնեինք ու պատերազմը հնարավոր էր 100 տոկոսով շրջել։ Չարեցին»։

Նա ընդգծեց, որ 4 տարի անց էլ պատերազմի հետ կապված բազում հարցեր կան։ «Եթե վաղը ԱԱԾ արխիվները բացվեն՝ կտեսնեք, ինչքան դավաճաններ են եղել, նախագահներից սկսած մինչև գեներալներ մասնակցել են Արցախի հանձնմանը։

Նրանք բոլորը պետք պատժվեն, բայց դավաճաններին չեն դատապարտում, գնդակահարում են»։

Աղբյուր` Փաստինֆո