«Ներուժ 5.0»-ն ամփոփել է արդյունքները. հայտնի են հաղթող ստարտափների անունները - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

09/29/2024 15:09 Աննա Հակոբյանը լուսանկարներ է հրապարակել Մայր Տաճարի վերաօծման արարողությունից 09/28/2024 17:17 «Խոսում են էլի». Սամվել Կարապետյանը՝ «ՀԷՑ»-ը խլելու իշխանության ցանկության լուրերի մասին (տեսանյութ) 09/28/2024 13:48 Իշխանափոխությունից հետո շատ բաներ կբացահայտվեն. հարցվածների 49 տոկոսը Փաշինյանի կառավարությանն է մեղադրում Արցախը հանձնելու մեջ 09/28/2024 16:19 Սրբալույս Մյուռոնի օրհնության արարողություն՝ Մայր Տաճարում․ ուղիղ միացում 09/28/2024 19:49 Անդրանիկ Քոչարյանը ջերմ ողջագուրվեց Լֆիկ Սամվելի հետ, որը փնտրում էր իր մեքենան՝ «ուր է իմ մաշնեն» (տեսանյութ) 09/28/2024 20:58 Սա ևս մեկ լավ երևույթ է, Էջմիածինը մաքրվեց նրանց տեսական ներկայությունից. Ռուբինյանը՝ երկրորդ ու երրորդ նախագահների բացակայության մասին (տեսանյութ) 09/29/2024 14:57 Ունեինք բոլոր տեսակի զինամթերքները, բալտիստիկ հրթիռներ հակառակորդին անդառնալի հարվածներ հասցնելու, ոչնչացնելու համար, ոչինչ չարեցին. Սարգսյան (տեսանյութ) 09/27/2024 23:27 Սեպտեմբերի 30-ին մանդատները վայր չդնող պատգամավորները միջավայր են ստեղծելու ՀՀ-ի կործանման համար. Էդգար Ղազարյան 09/28/2024 11:43 Փաշինյանը կնոջ՝ Աննա Հակոբյանի, հետ Եռաբլուր է այցելել ու կադրեր հրապարակել (տեսանյութ) 09/27/2024 21:25 Բժիշկները բացահայտել են արյան բարձր ճնշման և քաղցկեղի միջև կապը 09/28/2024 00:00 Հեռու չէ այն օրը, երբ ժամանակավոր պարտությունը կփոխարինենք հաստատուն հաղթանակով. Առուշ Առուշանյան 09/29/2024 15:01 Հրապարակվել են Հասան Նասրալլայի մահվան վայրի կադրերը. բունկերը մեծ փոսի է վերածվել 09/28/2024 08:02 Ինչպես կդասավորվի Փարսյանի ճակատագիրը․ «Հրապարակ» 09/28/2024 21:53 Տղամարդիկ և կանայք կիսվել են՝ սեքս-խաղալիքներով միգենի բուժման իրենց փորձով 09/28/2024 20:05 Հրավիրել էին, եկա. Չյոռնի Գագո (տեսանյութ) 09/28/2024 14:30 Վեդիի թիվ 2 միջնակարգ դպրոցում վնասվքածներ ստացած 9-ամյա աղջիկը մահացել է 09/28/2024 07:49 Փաշինյանի քրոջ փեսան հասարակ մասնագետից` ՄԻՊ գլխավոր քարտուղարի տեղակալ. «Ժողովուրդ» 09/29/2024 15:55 Արտակարգ դեպք՝ Երևանում․ Արցախի պողոտայից գողացել են КамАЗ մակնիշի բեռնատարը 09/28/2024 12:53 Վտանգավոր եզրագծին ենք՝ ՌԴ-ն չի բացառել միջուկային զենքի կիրառումը. Գրիգոր Բալասանյան (տեսանյութ) 09/28/2024 08:07 Ռեկտորը եւ եւս մի քանիսը դեռ ՁՊՎ-ում են․ «Հրապարակ»

«Ներուժ 5.0»-ն ամփոփել է արդյունքները. հայտնի են հաղթող ստարտափների անունները 09/29/2024 16:58 | ԼՐԱՀՈՍ

Ամփոփվել է ՀՀ բարձր տեխնոլոգիական արդյունաբերության նախարարության կողմից իրականացվող «Ներուժ 5.0» սփյուռքի տեխնոլոգիական ստարտափների ծրագիրը. սեպտեմբերի 28-ին տեղի է ունեցել ծրագրի պաշտոնական փակման արարողությունը։

Միջոցառմանը ելույթով է հանդես եկել ՀՀ բարձր տեխնոլոգիական արդյունաբերության նախարար Մխիթար Հայրապետյանը։

Նախարարը ներկայացրել է «Ներուժ»-ի պատմությունը, այն նպատակը, որն ի սկզբանե դրված էր ծրագրի հիմքում, այն էր՝ վերաիմաստավորել Հայաստան-Սփյուռք փոխհարաբերությունները, Հայաստանը սիրելու, Հայաստանին օգնելու հայեցակարգը։ Մխիթար Հայրապետյանն ընդգծել է, որ ծրագրի հիմքում դրված է սփյուռքում առկա նորարար միտքը Հայաստան բերելու, մեր երկրի ներսում կիրառելու, այն արտադրական գործընթացների վերածելու, բարձրարժեք արտադրողական աճին միտված տնտեսություն կառուցելու գաղափարը։ Նախարարի խոսքով՝ այն փաստը, որ ծրագիրն անցկացվում է արդեն հինգերորդ անգամ, հավաստում է, որ «Ներուժ»-ը հաջողել է։

««Ներուժ»-ը Հայաստանի շուրջ մեր գիտելիքները, երազանքները, մեր մասնագիտական կարողությունները կենտրոնացնելու, աշխատանքի նոր մշակույթ Հայաստան բերելու, Հայաստանն էլ ավելի ուժեղացնելու մասին է», - հավելել է Մխիթար Հայրապետյանը։

Նախարարը նաև շնորհակալություն է հայտնել բոլոր նրանց, ովքեր ծրագրի գոյության ողջ ընթացքում ստանձնել են առաջնորդություն, ջանք են գործադրել «Ներուժ»-ի կայացման գործում։

Մասնակիցներին իր խոսքն է ուղղել Սփյուռքի գործերի գլխավոր հանձնակատար Զարեհ Սինանյանը՝ նշելով, որ «Ներուժ»-ի բուն նպատակը միայն մասնակցելն ու հաղթելը չէ, շատ կարևոր է նաև կապեր ստեղծել այն մարդկանց ու մասնագետների միջև, որոնք ներգրավված են բարձր տեխնոլոգիական ոլորտրում։ Զարեհ Սինանյանը հաջողություն է մաղթել մասնակիցներին, վստահաբար փաստել, որ «Ներուժ»-ը ծառայում է իր նպատակին։

Պաշտոնական ելույթներին հաջորդել է մրցանակների հանձնման արարողությունը։

Մասնակից ստարտափներից վեցը դարձել են հաղթող՝ ստանալով դրամաշնորհներ՝ Հայաստան վերադառնալու և տնտեսական գործունեություն ծավալելու համար։ Ներկայացվող գաղափարները գնահատվել են երկու բաղադրիչով՝ «Գաղափարի փուլ» և «Աճի փուլ»։

Ժյուրիի գնահատման արդյունքում «Գաղափարի փուլ» բաղադրիչով 1-ին պատվավոր տեղն է զբաղեցրել «Metacor» ստարտափը, որը զբաղվում է արյան անոթների, զարկերակների և այլ սնամեջ օրգանների համար նոր տեսակի ստենտի մշակմամբ, 2-րդը՝ «Sharper Soft»-ն է, որը տրամադրում է ծրագրակազմ՝ օգնելով կազմակերպություններին տվյալները վերածել գիտելիքների, 3-րդը՝ «Ayki»-ին, որը թվային գործիք է ֆերմերային տնտեսությունների արտադրողականությունը բարձրացնելու համար:

«Աճի փուլ» բաղադրիչով 1-ին պատվավոր տեղն է զբաղվեցրել «AnzoBio» ստարտափը, որը իրականացնում է անհատականացված բուժում և ախտորոշում հազվագյուտ գենետիկական հիվանդության համար, 2-րդը՝ «Moby»-ն է, որը տրամադրում է ակնթարթային 24/7 արհեստական բանականության վրա հիմնված հաճախորդների սպասարկում, 3-րդը՝ «Sleep Doctor»-ը բժիշկների և հիվանդների համար նախատեսված ծրագիր է, որի նպատակն է ապահովել ամբողջական քնի խնամք ողջ կյանքի ընթացքում:

Միջոցառման ավարտին արդյունավետ համագործակցության համար հուշանվերներ են հանձնվել ժյուրիի անդամներին և ծրագրի գործընկերներին՝ «Իմ քայլ» հիմնադրամին, ՀՀ կենտրոնական բանկին և «Plug and Play» կազմակերպությանը։ Միջոցառմանը մասնակցել են բարձրաստիճան պաշտոնյաներ, հրավիրյալ հյուրեր, տեխնոլոգիական համայնքի ներկայացուցիչներ։

Հիշեցնենք, որ «Ներուժ 5.0»-ին մասնակցել է 26 ստարտափ` 16 երկրից։ Այս տարի ստարտափների կարողությունների զարգացման նպատակով ներգարվվել է միջազգային հեղինակավոր աքսելերատոր «Plug and Play» կազմակերպությունը, որն իր մենթորական թիմով դասընթացների և անհատական մենթորության ձևաչափով ծրագրի վեցօրյա միջոցառման ընթացքում ակտիվ աշխատանքներ է տարել ստարտափների հետ։

«Ներուժ»-ը պետական ծրագիր է, որի նպատակն է խթանել Հայաստանի տնտեսական առաջընթացն ու ստարտափ էկոհամակարգի զարգացումը, մասնագիտական հայրենադարձությունը և համահայկական ներուժի ու կարողությունների ներգրավումը Հայաստանի տնտեսական զարգացման գործընթացներում:

Աղբյուր` Փաստինֆո