Փաստ ինֆո

44-օրյա պատերազմից հետո՝ անցած 4 տարիներին ընդդիմությունը պայքարել է։ Այս մասին Եռաբլուր պանթեոնում ասաց «Հայաստան» խմբակցության ղեկավար Սեյրան Օհանյանը։

Նա ընդգծեց, որ ոչ միայն ընդդիմության, այլև այսօրվա իշխանությունների ծրագրերում, նաև ՀՀ Ազգային անվտանգության ռազմավարության մեջ նշված է, որ իրենք հանդիսանում են Արցախի անվտանգության երաշխավորը։ «Ավելին, անգամ Ազգային անվտանգության ռազմավարության 4.25 կետում նշված է, որ ամեն ինչ անելու են Արցախի ժողովրդի բռնագաղթեցումը կանխելու համար, բայց իրենք չեն կանխել»։

Նա ընդգծեց, որ անցած 4 տարիներին ընդդիմությունը պայքարել է և ԱԺ-ում, և ԱԺ-ից դուրս, այժմ էլ նույն առաքելությանն է կոչված «Սրբազան պայքարը»։ Կարծում եմ, որ «Սրբազան շարժումը» բավական բաց է, ընդդիմություն ենք ոչ միայն մենք, այլև տարբեր քաղաքական-հասարակական կազմակերպություններ, անհատներ, մտավորականներ, որոնք կարող են այդ տեղը լրացնել։ Մեզ անհրաժեշտ է ավելի լայն գեներացում ուժերի, ավելի լայն համախմբում, եթե դա լինի՝ մենք կհասնենք հաջողության։

Անդրադառնալով Թուրքիայի նախագահի ու նրա հեղինակած գրքի հետ լայն ժպիտով Փաշինյանի նկարվելուն՝ նա նշեց, որ հարաբերություններ կարգավորելը իշխանությունների պարտականություններից մեկն է, ընդ որում՝ և ռազմավարական գործընկերների, և հարևանների, և թշնամիների հետ։ «Բայց հարաբերությունները պետք է արժանապատիվ լինի։ Երբ դու ոչ թե ստանում են հրավեր, այլ դու ես խնդրում, երբ ժպտակով հանդիպում ես մի պետության ղեկավարի հետ, որը ցեղասպանություն է իրականացրել, մեկ տարի առաջ էլ աջակցել է Արցախի ժողովրդի նկատմամբ ցեղասպանության՝ դա կարծում եմ՝ ազգային արժանապատվության նսեմացման պահ է, խայտառակություն է։ Ես գտնում եմ, որ մեր հարևանները գտել են պարտված ղեկավարի ու, նրա նկատմամբ ճնշումներ գործադրելով, փորձում են ՀՀ-ի նկատմամբ առավելության հասնել»,-ասաց Օհանյանը ։

Աղբյուր` Փաստինֆո