Փաստ ինֆո

ԱԺ «Հայաստան» խմբակցության պատգամավոր Գառնիկ Դանիելյանը չի փոխել իր դիրքորոշումը և չի մասնակցի Մյուռոնօրհնեքի արարողությանը:

Նա ընդգծեց, որ Մայր Աթոռը չպետք է հրավիրեր այն իշխանություններին, որոնք եկեղեցու դեմ արշավ են սկսել, որ գալու օրվանից ասում են՝ «Նոր Հայաստան, նոր հայրապետ»: Չասեմ, թե էդ մարդիկ ինչեր են արել։ էդ մարդիկ էդտեղ չպետք է լինեն, դա է իմ դիրքորոշումը։ Անկախ նրանից՝ ես կգնամ, թե ուրիշ պատգամավոր, պետք է իշխանությունները էդտեղ չլինեն, չպիտի լինեն էնտեղ, քանի որ տարիներ շարունակ հենց իրենք կեղտոտ արշավ են տարել եկեղեցու նկատմամբ»,- ասաց նա:

Անդրադառնալով Շիրակի թեմի առաջնորդի հայտարարությանը, թե եկեղեցին չի աջակցել Սրբազան շարժմանը, քաղաքականության մեջ չի մտել՝ Դանիելյանն ասաց.

«Եթե եկեղեցին պահանջում է Նիկոլ Փաշինյանի հրաժարականը, բա դա ի՞նչ է: Ես կարծում եմ, որ քաղաքական դաշտը խորը բուժման կարիք ունի: Սա ազգային-ազատագրական պայքար է, որտեղ իրենց դերը պետք է բոլորն ունենան՝ հոգևորականը, մշակը, մշակութային գործիչը»:

Աղբյուր` Փաստինֆո