Փաստ ինֆո

Նիկոլ Փաշինյանի վարկանիշի շարունակական անկման մասին ոչ միայն իրականացվող հարցումներն են վկայում, այլև Փաշինյանի ֆեյսբուքյան էջն ու նրա գրառումների արձագանքները։

Եթե դեռ հեղափոխությունից հետո՝ նրա գրառումների ներքո հավանումներն ու սրտիկները հասնում էին տասնյակ հազարների, ապա, օրինակ, նախօրեին Փաշինյանի էջում տեղադրված ՄԱԿ-ի Գլխավոր վեհաժողովի 79-րդ նստաշրջանի շրջանակում անցկացվող Ապագայի գագաթնաժողովին ելույթը հազիվ 2 000 հավանում ունի ու 400-ի հասնող մեկնաբանություն։

Հատկանշական է, որ հավանումներ ու սրտիկներ վարչապետի գրառումների ներքո դնում էն հիմնականում ՔՊ-ական պատգամավորները, կառավարության անդամները կամ նրանց ընտանիքների անդամները։

Փոխարենը բավական հետաքրքիր են թողնված մեկնաբանությունները, եթե նախկինում մեկնաբանությունների գերակշիռ մեծամասնությունը հիացմունքի ու աջակցության խոսքեր էին ուղղված «սրտի վարչապետին», ապա հիմա շատ է քննարդատությունն ու անվստահության մասին մեկնաբանությունները։

Օգտատեր Նադեժդա Աշդջյանն էլ նկատել էր, որ հիմնականում տեսանյութն հավանում են իշխանականներն ու գրում է. «Նիկոլի իշխանության լափամանից օգտվողները ուրախ են, ծափահարում են ,իրենց «դավաճանին»։

Մեկ այլ օգտատեր՝ Գարեգին Նալբանդյանն էլ գրել է. «Ոչինչ չասող ու անիմաստ ճառ էր: Հազիվ առիթ էր ՄԱԿ-ում բարձրաձայնել ադրբեջանցիների կողմից Արցախի եկեղեցիների ոչնչացումներն ու հայկական հետքն ու պատմական անցյալը ջնջելու փաստերը, բայց մարդամեկը անցյալ համարեց այդ ամենն ու «ապագա կա» ասելով ոչինչ չասելով հասկացրեց, որ չի կարող փոխել ոչինչ, իսկ դա բոլորս էլ գիտեինք: Այսինքն՝ գնացել էր ՄԱԿ-ի ամբիոնից ասեր, որ իր վրա հույս չդնեն: Դե զոմբիներ վրա տվեք…»։

Հատկանշական է նաև օգտատեր Դանիել Սահակյանի թողած մեկնաբանությունը, որը մեջբերում է կատարել Փաշինյանի

«Երկրի հակառակ կողմը գրքից», որից հետո էլ իր եզրակացություններ է արել։ Ներկայացնում ենք գրառումն առանց խմբագրման.

«նիկոլ նեռին պաշտողներ, եթե չորս տողից ավել իվիճակի եք կարդալ, կարդացեք և խորհեք.
(նիկոլ փաշինյան) Հատված «Երկրի հակառակ կողմը» գրքից.

«Արյունը թասի մեջ շուտով մակարդվում է, և այն խաշում են ջրի մեջ. դառնում է լյարդանման զանգված: Արյունը պատրաստելու համար նախ դմակը հալեցնում են թավայի մեջ, ապա դմակի մեջ տապակում են մանր կտրատված լյարդը, թոքը: Արյունը, ինչպես հիշում եք, խաշված է, և երբ այն տրորում ես, հեշտությամբ փշրվում է. ահա, այս փշրված արյունը լցնում ես դմակի մեջ տապակված լյարդի և թոքի վրա: Ամենավերջում ավելացնում ես մանր կտրատած սոխը, և շատ չանցած` կերակուրը պատրաստ է,- գրում է նա և շարունակում,- Հավատացեք, շատ համով է. առիթի դեպքում անպայման փորձեք, բայց շատ մի կենտրոնացեքայն մտքի վրա, որ արյուն եք ուտում. Դա խանգարում է կերակուրը օբյեկտիվ գնահատելուն»:

Կարող են ուտել թե՛ անմաքուրը և թե՛ մաքուրը, ինչպես երբ ուտում եք այծյամ ու եղջերու:

Զգո՛ւյշ եղիր, որ արյունը չուտես, որովհետև արյունն անասունի շունչն է: Շունչը մսի հետ չուտես.
այն իբրև ջուր գետնին թափիր,

այն մի՛ կեր, որպեսզի լավ լինի քեզ և քեզանից հետո քո որդիներին, բարին ու հաճելին գործելով Տիրոջ՝ քո Աստծու առջև։
այն է՝ հեռու մնալ կուռքերին զոհված կերակուրներից և արյունից, խեղդամահ արված կենդանիներից ու պոռնկությունից. ձեզ դրանցից հեռու պահելով՝ լավ կանեք։ Ո՛ղջ եղեք»։
Ձեր վարչապետը նեռի ծառանա ում հետ և դուք, պիտի այրվեք դժոխքի կրակներում...»։

Զավեն Զարդարյանն էլ դիմել է տեսանյութն ու ելույթը հավանողներին՝ նշելով, «Դուք՝ էդ սրտիկներ դնողներդ գոնե հասկանո՞ւմ եք թե աշխարհասփյուռ հայությանը ինչպես է մատերի վրա խաղացնում իրա մուտիտներով։ Թե իրոք չեք հասկանում»։

Արմինե Սարգսյանն էլ կատակել է. «Ես շատ կցանկանայի, որ ելույթը լիներ Իջևանի բարբառով, մեկ է նստածներից ոչ ոք էլի ոչինչ չի հասկանալու....»։

Լուսինե Գյուրջանն էլ գրել է. «Շրիշակից ցածր մակարդակի ելույթ»։ Մեկ այլ օգտատեր էլ կատակել է. «Սկսւմ ենք Ապագա արտահանել»։

Աղբյուր` Փաստինֆո