ԲՈԼՈՐ ՆՅՈՒԹԵՐԸ
Հայաստանը Եվրաջասթում Համագործակցության հարցերով դատախազ կունենա 09/23/2024 18:38 | ԼՐԱՀՈՍ
Հայաստանի Հանրապետության արդարադատության նախարարության, ՀՀ դատախազության և Եվրաջասթի միջև այսօր ստորագրվել է «Հայաստանի Հանրապետության և Եվրոպական միության միջև Հայաստանի Հանրապետության քրեական վարույթներով իրավական համագործակցության ոլորտում իրավասու մարմինների և Եվրոպական միության քրեական արդարադատության ոլորտում համագործակցության գործակալության (Եվրաջասթ) միջև համագործակցության մասին» համաձայնագրի իրականացման վերաբերյալ աշխատանքային պայմանավորվածություն:
Փաստաթուղթը կարգավորում է Համագործակցության հարցերով դատախազի գործուղման, նրա գործունեության շրջանակի, մասնավորապես՝ Եվրաջասթի Կոլեգիայի նիստերին, աշխատանքային խմբի աշխատանքներին, ռազմավարական նշանակության հանդիպումներին, դասընթացներին, իրազեկման միջոցառումներին և ծրագրերին վերջինիս մասնակցության հետ կապված հարցերը:
Աշխատանքային պայմանավորվածությունը ստորագրել են ՀՀ արդարադատության նախարար Գրիգոր Մինասյանը, ՀՀ գլխավոր դատախազ Աննա Վարդապետյանը և Եվրաջասթի նախագահ Լադիսլավ Համրանը:
Միջոցառմանը ներկա են եղել ՀՀ պետական եկամուտների կոմիտեի նախագահ Ռուստամ Բադասյանը (ՀՀ արդարադատության նախկին նախարար), ՀՀ արտաքին գործերի նախարարի տեղակալ Պարույր Հովհաննիսյանը, ՀՀ Ազգային ժողովի Եվրոպական ինտեգրման հարցերի մշտական հանձնաժողովի նախագահ Արման Եղոյանը, Հայաստանում Եվրոպական միության պատվիրակության ղեկավար, դեսպան Վասիլիս Մարագոսը, Բելգիայի Թագավորությունում ՀՀ արտակարգ և լիազոր դեսպան, Եվրոպական միությունում ՀՀ ներկայացուցչության ղեկավար Տիգրան Բալայանը, այլք:
Արդարադատության նախարար Գրիգոր Մինասյանընդգծել է, որ այս կարևոր փաստաթուղթը արդարադատության և օրենքի գերակայության ոլորտներում, ինչպես նաև անդրազգային հանցավորության դեմ պայքարում Հայաստանի Հանրապետության և Եվրոպական միության միջև համագործակցության ամրապնդման կարևոր ուղենիշ է: Նախարարի խոսքով՝ համաձայնագիրն անփոխարինելի դեր կունենա Հայաստանի և Եվրոպական միության իրավասու մարմինների միջև ոլորտային համագործակցության խթանման ճանապարհին, որի նպատակն է նպաստել փոխադարձ իրավական օգնությանը և համատեղ հետաքննության ռազմավարությունների մշակմանը:
Գլխավոր դատախազ Աննա Վարդապետյանն իր ելույթում նշել է.
«Անդրազգային հանցավորությունը քրեական արդարադատության արդի համակարգի ամենամեծ մարտահրավերն է: Լատենտային ու համագործակցված հանցավորությունը, որի ընդգրկման ծավալները դուրս են գալիս մեկ պետության սահմաններից և ներառում ընդհուպ մինչև ամբողջական տարածաշրջանի կամ մայրցամաքի աշխարհագրությունը, քրեական հետապնդման մարմինների միջև միջազգային-իրավական համագործակցության նոր որակ են պահանջում:
Հայաստանի Հանրապետության դատախազությունը գիտակցում է այս իրողությունը և հետևողական է օտարերկրյա գործընկերների հետ փոխգործակցության ուղիներն ընդլայնելու հարցում:
Գործընկերների հետ Դատախազության պրոֆեսիոնալ հարաբերությունների աշխարհագրությունն ընդգրկուն է. մենք ունենք երկկողմ կամ տարածաշրջանային, իսկ որոշ երկրների հետ՝ ՄԱԿ-ի և ԵԽ-ի շրջանակներում կնքված բազմակողմ պայմանագրեր:
Եվրաջասթի հետ մեր համագործակցությունը երիտասարդ է, բայց մենք արդեն ունենք հաջողության պատմություններ, որոնք կապված են փողերի լվացման, թմրամիջոցների ապօրինի շրջանառության և կոռուպցիոն բնույթի գործերով իրավական օգնությունների հետ:
Մենք հասցրել ենք ծանոթանալ Եվրաջասթի գործիքակազմին, համոզվել ենք դրա արդյունավետության մեջ և վստահ ենք, որ Եվրաջասթի հետ այսօր ստորագրվող Աշխատանքային պայմանավորվածությունը Հայաստանի իրավապահ մարմինների համար այդ գործիքակազմն ավելի լայն կիրառելու հնարավորություն կստեղծի: Մասնավորապես՝ Համագործակցության հարցերով դատախազի միջոցով Հայաստանի Դատախազության ներկայացվածությունը Եվրաջասթում հնարավորություն կտա օպերատիվ կապ ապահովել ԵՄ անդամ և անդամ չհանդիսացող երրորդ պետությունների կոնտակտային անձանց հետ, հետևաբար նաև հնարավորություն կընձեռի Հայաստանի Հանրապետությունում նախաձեռնված քրեական վարույթներով իրականացնել առավել արդյունավետ միջազգային-իրավական համագործակցություն:
Հարգելի՛ գործընկերներ,
Այսօրվա արարողակարգային միջոցառումը եզրափակում է շուրջ երեք տարի տևած բանակցությունները. դրանք սկսվել էին 2021 թվականին:
Համատեղ արդյունավետ աշխատանքի արդյունքում հասել ենք Համաձայնագրի դրույթների իրականացման նպատակով Աշխատանքային պայմանավորվածության ստորագրման փուլին, ինչը նշանակում է, որ այսօր մեկ քայլով մոտենում ենք Համաձայնագրի դրույթների լիարժեք իրականացմանը:
Երախտագիտությամբ ընդգծում եմ Համագործակցությունը Համաձայնագրով հաստատելու հարցում Եվրոպական միության երկրներում Հայաստանի դիվանագիտական ներկայացուցչությունների աշխատանքը, շնորհակալություն եմ հայտնում հետևողական քայլերի համար: Առանձնահատուկ ընդգծումով շնորհակալություն եմ հայտնում Հայաստանում Եվրոպական միության պատվիրակությանը, ինչպես նաև այս օրն իրականություն դարձնելու գործում իրենց ավանդն ունեցած՝ օրենսդիր, գործադիր և դատական մարմինների մեր բոլոր գործընկերներին: Շնորհավորում եմ բոլորիս, մաղթում արդյունավետ համատեղ աշխատանք»:
Եվրաջասթի նախագահ Լադիսլավ Համրանը ևս կարևորել է փաստաթղթի ստորագրումը՝ այն համարելով պատմական իրադարձություն: «Եվրաջասթին միանալով՝ Հայաստանն ավելի է մոտենում իրավական ոլորտում եվրոպական արժեքներին»,- ընդգծել է Լադիսլավ Համրանն ու հաջող ընթացք մաղթել Հայաստան-Եվրաջասթ համագործակցությանը:
Հարակից հրապարակումներ`
Տեսանյութեր
09/19/2024 21:00 Իրանը հասավ իր նպատակին.Բաքուն պարտադրված է հրաժարվել միջանցքից. ինչու է Շոյգուն մեկնել ԻրանՏեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 09/21/2024 08:27 Այսօր այցելելու են Արմեն Աշոտյանին․ «Հրապարակ»
- 09/21/2024 08:25 ՔՊ-ում դժգոհ են Փաշինյանի կադրային քաղաքականությունից ․«Հրապարակը»
- 09/21/2024 08:21 ՀՀ անկախության տոնին պարգեւներ եւ կոչումներ կշնորհվեն. որեւէ ընդդիմադիր կամ այլախոհ հրավիրված չէ. «Ժողովուրդ»
- 09/21/2024 08:17 Բեմում կլինեն Բագրատ Սրբազանը եւ շատ երիտասարդներ․ «Հրապարակ»
- 09/21/2024 08:16 Թաթուլ Ասիլյանի տան վրա կրակելու գործով քրեական հետապնդումը դադարեցվել է. «Ժողովուրդ»
- 09/21/2024 08:13 ՔՊ-ում փոշմանել են, չեն ուզում ՀՅԴ-ին ու ՀՀԿ-ին հարեւան դառնալ․«Հրապարակ»
- 09/21/2024 08:11 5 մլն 470 հազար դրամ հուշանվերների համար. ինչո՞ւ են ԱԺ-ում նախապես նվերներ գնում եւ պահեստավորում. «Ժողովուրդ»
ՓԱՍՏԱԹՂԹԵՐ
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
Հարցազրույց
- 09/19/2024 20:39 Եթե Փաշինյանը կարողանար, դեռ 2018-ի մայիսի 3-ին դուրս կգար ՀԱՊԿ-ից, բայց Հայստանն իր սեփական հողամասը չի, որ ինչ ուզենա, երբ ուզենա՝ ցանի. Ձյունիկ Աղաջանյան
- 09/18/2024 11:30 Զրույց Բագրատ Սրբազանի հետ. Վահե Հովհաննիսյան
- 09/16/2024 13:35 Նախկինում Սրբազան աշխատած մարդու հետ պաշտոնական հանդիպում ՔՊ-ի օրակարգում չկա. Էմմա Պալյան
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
Մեկնաբանություն
- 09/23/2024 17:11 Հանրային սննդի կետում արտադրվել է վտանգավոր սննդամթերք. կասեցվել է
- 09/23/2024 16:47 Կանադայի այցը չեղարկելը որոշել եմ ես, միայն ես. Ալեն Սիմոնյան
- 09/23/2024 13:43 Տգետ քաղաքականության արդյունքում այսօր ունենք գլխատված Արցախ ու արյունածոր վերքի վերածված Հայաստան, որտեղ ամենաապահով դպրոցը, պարզվում է, Կիրանցում է…Հակոբյան
- 09/23/2024 12:25 Եկեղեցին վերջին միջազգային փաստաթղթերում պիտակավորվում է որպես «կարծրատիպ», ինչը գլոբալիզմի համատեքստում է. Գևորգ Դանիելյան
Արխիվ
Արտակարգ պատահարներ
- 09/23/2024 19:06 Գեղարքունիքի մարզում բախվել են «Ford Transit»-ն ու մի քանի տոննա հեղուկ գազ տեղափոխող «Iveco» բեռնատարը. Վերջինս կողաշրջվել է
- 09/22/2024 20:17 18-ամյա քաղաքացուն սարալանջից իջեցրել են և մոտեցրել շտապօգնության ավտոմեքենային
- 09/22/2024 20:05 «Պռոշյանի գինու և կոնյակի գործարան»-ի դիմաց վրաերթ են ենթարկել 32-ամյա կնոջ. shamshyan.com
- 09/22/2024 16:46 Երևանում մեքենան բախվել է արգելապատնեշներին և գլխիվայր շրջվել. 2 մարդ տեղափոխվել է «Արմենիա» ԲԿ. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 09/20/2024 23:14 Հայտնել են հացը բորբոսից պաշտպանելու միջոցը
- 09/20/2024 18:33 Պաշտոնյա կինը իր ենթակաների շրջանում 58 սիրեկան է ձեռք բերել
- 09/19/2024 21:21 Ուսուցչուհին սեռական հարաբերություն է ունեցել 15-ամյա պատանու հետ․ Նա մեղադրվել է նաև թմրանյութեր և պոռնոգրաֆիկ նյութեր տրամադրելու մեջ
- 09/19/2024 18:31 Տղամարդը իր տան աշխատակցուհիներին ամիսներով փակել է վանդակում՝ սեռական հաճույք ստանալու համար
Հետաքրքիր է իմանալ
- 09/20/2024 18:04 Ուղեղն ուտող որդեր. ԱՄՆ-ում մակաբուծային հիվանդություն է հայտնաբերվել բնակիչների մոտ
- 09/20/2024 15:49 Երկրին աստերոիդ է մոտենում
- 09/18/2024 18:11 Կայծակի հարվածից հետո 40 րոպե սրտի կանգ ունեցած տղամարդը փրկվել է ու ամբողջությամբ ապաքինվել
- 09/14/2024 18:58 Աշխարհի ամենաթերագնահատված երկիրը՝ ըստ փորձառու զբոսաշրջիկի