Փաստ ինֆո

Սա այն հանգրվանն է, որտեղ մեր համակիրները, պայքարի ընկերները հետագա հարցերի պատասխանները պետք է ստանան` մինչև հիմա եղածն ամփոփելու և հետագա անելիքները քննարկելու: Այս մասին լրագրողների հետ զրույցում ասաց ԱԺ «Հայաստան» խմբակցության պատգամավոր, «Սրբազան շարժման» առաջնորդներից Գառնիկ Դանիելյանը:

«Սա մեկնարկ է` մի նոր փուլի, որը, կարծում եմ, ավարտին կհասցնի մեր այն գործը, որը մենք միասին սկսել ենք` ամիսներ առաջ: Ճիշտ է` մենք ակնկալում էինք, որ արագ իշխանություններին հնարավոր է հեռացնել, բայց, սավոք, այս ժամանակահատվածում չստացվեց իշխանություններին հեռացնել, բայց ոչ մարտահրավերներն է պակասել, ոչ էլ` իշխանություններն են… տեսնում ենք, որ օր օրի երկրի խնդիրները շատանում են: Պետք է ավարտին հասցնենք ակս գործը»,- նշեց Դանիելյանը` հույս հայտնելով, որ կհաջողվի հեռացնել այս իշխանություններին, եղել է կազմակերպչական խնդիրներ, ամռան ամբողջ աշխատանքներ են տարվել, հուսով է` կկարողանան խութերը վերացնել:

Գառնիկ Դանիելյանը նաև անդրադարձավ ընդդիմադիր դաշտի պառակտվածությանը, համախմբվածություն չկա, նշեց` ամբիացիաներն են խանգարում շատերին, որ մի կողմ դնեն ամբիցիաները:

«Ամեն մի գործիչ, իր կողքը հավաքելով մի քանի տասնյակ կամ մի քանի հոգի մարդ, մտածում է, որ ինքն է առանցքը: Փոքր, միջին կազմակերպություն, որ երևի կնիքից բացի ուրիշ բան չունեն… դա է մեր ազգային հպարտությունը, որ ամեն մեկն իրեն լիդեր ու վարչապետ է համարում, լիդեր ու վարչապետ դառնում են իրենց ես-երը մի կողմ դնելով, համախմբվելով: Այդպես ասելով, կնիքներ վերցնելով և մի քանի հոգու իրենց շուրջ համախմբելով` որևէ արդյունքի չեն հասցնելու: Դա պարզ, ակնհայտ իրողություն է»,- ասաց Դանիելյանը` նշելով, որ այսօր կա Սրբազան հայրն այն առաջնորդն է, որը մի կողմ է դրել իր անձնական գործերը, խնդիրները, բան ու գործը թողել է, լծվել` այս գործին, մաքրամաքուր մարդ է, իր ապրածով ցույց է տվել, որ ինքը կարողական ուժ է, մեկտեղվելու փոխարեն ամեն մեկը մտածում է, որ ինքն է առանցքը: Ըստ Դանիելյանի` սա է այն խնդիրներից մեկը, որը պետք է մի կողմ դնել, ինչպես նաև` վախի մթնոլորտը:

Աղբյուր` Փաստինֆո