Փաստ ինֆո

Անկախությունն ամենամեծ ձեռքբերումն ու արժեքն է հայ ժողովրդի համար և այն ձեռք է բերվել հենց նվիրյալ հայորդիների պայքարի նվիրումի քաջագործությունների շնորհիվ։ Այս մասին լրագրողների հետ զրույցում ասաց ՀՀ ԱԺ «Հայաստան» խմբակցության ղելավար Սեյրան Օհանանը։

Նրա խոսքով, մեր անկախության ակունքներում Արցախյան շարժումն էր, իսկ այսօր իրավիճակը այլ է։ «Մենք այսօր այստեղ գտնվելով յուրահատուկ հաշվետվություն ենք տալիս մեր ընկերներին, ովքեր իրենց կյանքն են տվել: Մենք կարողացել ենք նաեւ մեր ռազմաքաղաքական զեկավարության ինքնուրուն որոշումների և նաև համառ որոշումների շնորհիվ հասնել նրան, որ Արցախն ու Հայաստանը միասին համադրված, միահամուռ կառույց էին և զարգանում էին բոլոր առումներով՝ անվտանգություն, տնտեսություն եւ բոլոր տեսակի կապեր ենթամշակութային, ենթակառուցվածքներ եւ այլն»,- ասաց նա:
Օհանյանը նշում է, որ կարողացել էին լիարժեք անվտանգ միջավայր ստեղծել, սակայն հիմա այլ է իրավիճակը, որովհետեւ ոչ միայն Ադրբեջանի կողմից իրականացված հանցագործության շնորհիվ, հայաթափվեց Արցախը և Ադրբեջանը ՀՀ սահմաններում է գտնվում, այլև ՀՀ իշխանությունների ոչ լիարժեք, ապիկար գործողությունների շնորհիվ:

«Ցավը մեծ է մեզ մոտ, բայց դա պետք է մի կողմ դնել, դրանից հետևություններ անել և շարունակել պայքարը, որովհետև անհրաժեշտություն է, որ ՀՀ-ն լինի անկախ, ինքնիշխան, չգահավիժի, անվտանգությունը ամուր լինի»։

Նախկին նախարարը համոզված է, որ, ըստ էության, հակամարտությունը Արցախի ու ադրբեջանցիների, հայ ժողովրդի ու ադրբեջանցիների միջև չի ավարտվել. «Խաղաղության նախապայմաններ չկան, Ադրբեջանի հռետորաբանությունը, գործողություններն են այդ մասին վկայում։ Իրենք խոսում են հայ ժողովրդի հետ նախապայմաններով։ Ադրբեջանն իր գործողություններով այդ հակամարտությունն ավելի է խորացել»։

Աղբյուր` Փաստինֆո