Փաստ ինֆո

Թեպետ դառը պայմաններում ենք գտնվում, երբ մեր Արցախ աշխարհը գոյություն չունի, զրկված ենք, բազմահազար տեղահանվածներով, ՀՀ սահմանները խոցված, շարունակական սպառնալիքների ներքո, գողացված ուրախության պատվի ժամանակներում, այդուհանդերձ, այսօր մեր արյունով գնված եւ արյունով պահված, մեր բազմաթիվ նահատակ հայրենակիցների կյանքով նվաճված անկախության տոնն է: Այս մասին այսօր «Եռաբլուր» պանթեոնում լրագրողների հետ զրույցում նշեց Բագրատ Սրբազանը:

«Մեր այցելությունը առաջին հերթին Եռաբլուր ուխտի նշանակություն ունի: Ինչպես միշտ ասել եմ, առաջին պայմանով այդ հաղթանակը, երազը, հայրենիքը իրենց վերադարձնելու ուխտն է»,-ասաց նա:

ՆԱ նաև ընդգծեց, որ զոհվածների ծնողները պայքարի առաջնագծում են գտնվում. «Այդ պայքարի մեջ գտնվելիս մեր սիրելի ծնողները հանձն են առել մեզ հետ միասին իրենց ուսերի վրա կրելու հաղթանակի տեսլիքը եւ առաջնորդելու մեզ դեպի այդ հաղթանակը՝ իրենց օրհնությամբ»:

Նա նաև ընդգծել է, որ ամեն անգամ Եռաբլուր այցելությունը այնտեղ գտնվող տղաների սխրանքով վեհանալու եւ վերանալու օր է։

«Մեր տղաներին այցելությունը մեզ համար որքան այս իրականության մեջ ապրելով գլուխներս կախ լինելու օր է, միաժամանակ իրենց սխրանքով վեհանալու եւ վերանալու օր է, ուխտի ու ներշնչումի օր է: Այս մասին այսօր «Եռաբլուր» պանթեոնում լրագրողների հետ զրույցում նշեց Բագրատ Սրբազանը:

«Այն պահն է, որ մենք գալիս ենք այդ ուժականությունը ստանալու համար, ոչ միայն ցավելու եւ սգալու համար: Մենք իրավունք չունենք Եռաբլուրը գերեզման նկատելու: Եռաբլուրները մեզ համար ներշնչումի ժամեր պետք է մնան: Պետք է ընդունել մեր պարտված լինելը, բայց ոչ մեր տղաների, որոնք հաղթանակի տեսլիքով են գնացել: Իրենցով ապրելու եւ մեր ընթացքը դեպի վերելք, դեպի մեր տան վերականգնում, մեր գողացված ուրախության վերականգնում պետք է ընթանա: Սա է այսօրվա խորհուրդը»,-ասաց նա:

Բագրատ Սրբազանի խոսքով, մեզ համար ազատությունն ու անկախությունն այլընտրանք չունեն. «Այդ ազատությունը ծնվել է մեր բազմազավակ հայրերի, որդիների, մայրերի, քույրերի,դ ուստրերի կյանքի ու տառապանքի գնով, որոնցից շատերն այսօր անհայտության մեջ են»:

Աղբյուր` Փաստինֆո