Փաստ ինֆո

Վերջին օրերին երկու տարի առաջվա՝ 2022 թվականի սեպտեմբեր-հոկտեմբերյան լրահոսը հաճախ ենք թերթում՝ պատմության մեջ առաջին անգամ Արցախի հայաթափման սկիզբն ու նրբերանգները գնահատելու համատեքստում և այս առումով շեշտելով Փաշինյան-Ալիև՝ 2022 թվականի հոկտեմբերի 6-ի պրահյան հանդիպումը։

Բայց արդյո՞ք սկիզբը դրվեց Փաշինյան-Ալիև՝ 2022 թվականի հոկտեմբերի 6-ին Պրահայում կայացած հանդիպման ժամանակ։ Այսպես կոչված՝ «Եվրոպական քաղաքական համայնքի» առաջին հանդիպման շրջանակներում՝ Ֆրանսիայի նախագահի և Եվրոպական խորհրդի նախագահի քավորությամբ։

Կարծում ենք՝ ոչ, թեպետ հենց այս հանդիպման ժամանակ էր, որ փաշինյանը հղում անելով ՄԱԿ կանոնադրությանը և 1991 թ․ Ալմա-Աթայի հռչակագրին ճանաչեց ազարբայջան սարքովի պետության տարածքային ամբողջականությունն ու ինքնիշխանությունը, որքան էլ որ Հայաստանն ու ազարբայջանը նույն ժամանակ նույն հարկի տակ չէին եղել Ալմա-Աթայում․ դա, թերևս, փաշինյանի հորինվածքն էր, որը հաղթաթուղթ որպես օգտագործեց ոչ միայն ալիևը, այլև՝ Արևմուտքը։ Արցախը հանձնելու օպերացիան սկսվեց 2022 թվականի ամռանը, երբ, շրջանցելով նոյեմբերի 9-ի հայտարարությունը, Բաքուն հայտարարեց Լաչինի միջանցքի նոր երթուղին շահագործելու մասին, երբ հայկական կողմը ճանապարհը չէր կառուցել եւ եւ Արցախի երեք բնակավայրերը անցան Ադրբեջանի օկուպացիայի տակ։

Ժամանակագրությունը թիվ ու փաստ է, սակայն, լրահոսը թվերն ու փաստերը կողք-կողքի է դնում և փաստագրում՝ սա Փաշինյանի և Ալիևի առաջին հանդիպումն էր՝ շաբաթներ առաջ Հայաստանի վրա իրականացված հարձակումից հետո, որի հետևանքով Ադրբեջանը օկուպացրեց Հայաստանի որոշ տարածքներ՝ առաջխաղացման գնալով Ջերմուկում և Սյունիքում։

Հարց՝ իսկ 2022-ի սեպտեմբերի 13-ի օրվա՝ զարհուրելի իրադարձությունների և ազաբայջանական բարբարոսների սահմռկեցուցիչ հանցագործությունների դրվագները շատերիս չէ՞ին հիշեցնում նախորդ դարավերջին Սումգայիթում, Բաքվում, Մարաղայում տեղի ունեցած ահավոր դեպքեըր։ Ցեղասպանությունը։

Ըստ էության, ՀՀ ինքնիշխան տարածքի՝ Ջերմուկի վրա հարձակումով թշնամի ազարբայջանը ցանկանում էր հասկացնել արցախցի մեր հայրենակիցներին, որ տեսե՛ք, ՀՀ-ի վրա էլ կարող ենք հարձակվել, ուժի դիմել, ուր մնաց թե․․․

Այս հարձակմամբ ազարբայջանն ու նրա ղեկավարը շատ ակնհայտ ՀՀ իշխանության ռեակցիան հասկացան, հասկացան, որ Հայաստանի ներկա իշխանությունը մեկ բան է միայն հետաքրքրում՝ սեփական իշխանությունը․․․

Եվ սկսեցին Արցախի հայաթափման հրեշավոր ծրագիրը՝ ամեն գնով իշխանությունը պահել ցանկացող ՀՀ իշխանության անատամ կեցվածքը նկատի առնելով․․․ Մտածեցին՝ ահավասիկ մի իշխանություն, որը Հայաստանի Հանրապետության տարածքներն է զիջում, իր գերիներին չի կարողանում պաշտպանել, բնականաբար, Արցախի համար չի պայքարի․․․

Շարունակելի

Աղբյուր` Փաստինֆո