Փաստ ինֆո

ՀՀ ԱԺ ճեպազրույցների ընթացքում այսօր ՀՀ ԱԺ « ՔՊ» խմբակցության անունից խոսեցին Անդրանիկ Քոչարյանն ու խմբակցության քարտուղար Արթուր Հովհաննիսիյանը «Քոչարյանը, որ ԱԺ Պաշտպանության և անվտանգության հանձնաժողովի նախագահ լրագրողներին ներկայացրեց, որ

Զինված ուժերում իրականացվում են լայնածավալ ծրագրեր՝ մեր բոլորիս անվտանգության մակարդակը մի քանի աստիճան բարձրացնելու ուղղությամբ։ ԱԺ-ում տեղի ունեցած ճեպազրույցում հայտարարել է «ՔՊ» խմբակցությունը ներկայացնող Պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը։

Նրա խոսքերով՝ Հայաստանի սահմանով մեկ իրականացվող ծրագրերը անվանում է ամրոցներ, իսկ ամրոցների մեջ ծառայություն տանող անձնակազմը բավականին պաշտպանված է, իսկ պաշտպանված անձնակազմով հակահարված տալը շատ դյուրին է լինելու, որովհետև կա ծառայողի կողմից հսկայական վստահության պաշար։

«Հիմա Ադրբեջանը ահանգստացած է, շատ բնական բան է, որովհետև Ադրբեջանը 90 ականներին կրել է պարտություն, հետո ինքը 44- օրյա պատերազմում արձանագրեց հաջողություններ՝ հաղթանակի տեսքով և հիմա անհանգիստ է, թե ապագայում ինչ է լինելու, բայց մեր խնդիրը, մեր անվտանգությունը բարձրացնելն է՝ նոր սպառազինությամբ, կրթված անձնակազմով և այն կառույցներով, որոնք մեզ ավելին վստահ կդարձնեն՝ խաղաղության օրակարգին հասնելու համար»,- ասել է Քոչարյանը՝ ավելացնելով, որ Հայաստանը եւս անհանգստացած է այն մեծ ծավալի սպառազինության ձերքբերմամբ, որ Ադրբեջանն իրականացնում է տարբեր երկրներից։

44-օրյա պատերազմում պարտության մեղքը Ա. Քոչարյանը կրկին բարդեց նախկինների վրա։ «Եթե ժամանակին ՀՀ նախկին իշխանություններն անհանգստացած լինեին, մեր պահեստները կլինեին լիքը, մեր զորակոչային ռեսուրսը կլիներ ավելի պատրաստված»,- ասաց Քոչարյանը՝ մոռանալով նշել, որ 44-օրյա պատերազմում օգտագործվել է մեր սպառազինության շատ քիչ տոկոսը, ավելին՝ Նիկոլ Փաշինյաննի կառավարությունն է ընդհատել զորակոչը պատերազմի ժամանակ, իսկ Նիկոլ Փաշինյանն էլ կոչ էր անում՝ գյուղ-գյուղ, թաղամաս-թաղամաս հավաքվել, գյուղապետի կամ թաղապետի հրամանատարությամբ մեկնել առաջնագիծ՝ տանից վերցնելով զարահաբաճկոն։

Աղբյուր` Փաստինֆո