Փաստ ինֆո

Ես չեմ պատրաստվում գնալ իրենց հետ հանդիպման, հոխորտում էին, չէ՞, ամբիոնից իրենց պատառոտում էին, կոտորում էին իրենց, ինչ ասես ասում էին, չէ՞, շեֆի աչքին բարձրանալու համար, հիմա ես շենքում եմ։ Այս մասին ԱԺ-ում «Հայաստան» խմբակցության հետ հանդիպումից հետո լրագրողների հետ զրույցում ասաց Բագրատ Սրբազանը՝ անդրադառնալու ՔՊ-ականների հետ հնարավոր հանդիպմանը:

«Ես ցանկություն չեմ հայտնել ՔՊ-ի հետ հանդիպելու, դուք հարցրել եք, ես էլ ասել եմ՝ ես շենքում եմ, բայց այսօրվա այցելության ծիրից ներս ես իրենց հետ հանդիպում չեմ նախատեսել: Բայց հնարավորությունը տալիս եմ իրենց, որ ամբիոնից ճչալու, հոխորտալու փոխարեն՝ ես հիմա շենքում եմ, այդքանը»:

Անդրադառնալով այսօրվա քննարկմանը՝ նա հայտնեց, որ քննարկել ենք հնարավոր քաղաքական լուծումներն ու տարբերակները, նաև իրենց դերակատարությունն այդ ամբողջ գործընթացի մեջ: «Եզրահանգումը մեր գործողություններով է պայմանավորված։ Ինչ մնում է վարչապետի թեկնածուին՝ անուններ չենք քննարկվել: Ինձ համար արդյունքն է կարևոր»։

Ինչ մնում է քաղաքական ուժերի հետաքրքրությանը շարժման նկատմամբ՝ նա ընդգծեց, որ շատերինը տեղում է, ոմանք էլ ձեռնպահ կամ վերապահ վերաբերմունք ունեն։ «Այդ բոլորը շտկվելու է ժողովրդային ներկայությամբ»։

Աղբյուր` Փաստինֆո