Փաստ ինֆո

Նալբանդյան գյուղում սեպտեմբերի 7-ին հրազենային վիրավորում ստացած ոստիկանության ծառայողը գտնվում է բժիշկների հսկողության տակ՝ բուժումները շարունակվում են։ Այս մասին «Փաստինֆո»-ի հետ զրույցում հայտնեցին ՆԳՆ մամուլի ծառայությունից։

Հիշեցնենք, որ Արթուր Այվազյանը վիրավորվել էր սեպտեմբերի 7-ին Արմավիրի Նալբանդյան գյուղում հնչած կրակոցներից։ Կրակոցների հետևանքով սպանվել է ոստիկանության կապիտան Հայրապետ Ստեփանյանը։ ՀՀ քննչական կոմիտեի Արմավիրի մարզային քննչական վարչությունում ՀՀ քրեական օրենսգրքի 155-րդ հոդվածի 2-րդ մասի 1-ին և 7-րդ կետերի, 44-155-րդ հոդվածի 2-րդ մասի 1-ին և 7-րդ կետերով և 335-րդ հոդվածի 1-ին մասի հատկանիշներով նախաձեռնված քրեական վարույթի նախաքննության ընթացքում, որի կատարումը հանձնարարվել է քննչական խմբին, պարզվել է, որ 024թ. սեպտեմբերի 7-ին օպերատիվ տվյալներ են ստացվել այն մասին, որ վերջինս եղբոր անվամբ հաշվառված «VAZ 210740 I» մակնիշի ավտոմեքենայում ապօրինի հրազեն է պահում: Նշված տեղեկատվությունն իրացնելու նպատակով ՀՀ ՆԳՆ ոստիկանության Արմավիրի մարզային վարչության ծառայողներից բաղկացած խումբը մեկնել է Նալբանդյան բնակավայր:

«Նկատելով ոստիկաններին՝ նշված անձն իր մոտ գտնվող ինքնաձիգից անսպասելի սկսել է անկանոն կրակահերթ արձակել ոստիկանների ուղղությամբ, որի պատճառով ոստիկաններից երկուսը ստացել են հրազենային վնասվածքներ, իսկ կրակոցներ արձակած անձը դիմել է փախուստի՝ իր հետ տանելով նաև ինքնաձիգը»,- նշել էին ՔԿ-ից։

Ավելի ուշ տղամարդը ներկայացել է ոստիկանություն և ինքնախոստովանական ցուցմունք տվել։

Աղբյուր` Փաստինֆո