Փաստ ինֆո

Արմավիրի մարզի Բագարան համայնքի դպրոցն իրո՛ք այսօր դաս չի արել, բայց երեխաների դասադուլն ամենայն հավանականությամբ երկուշաբթի կավարտվի, բնականոն դասի կգնան, քանի որ ուրբաթ է այսօր ու ես նոր գյուղ եմ գնում մարզպետի հետ խորհրդակցության էի։ Խնդիրը, որից ծագել է դասադուլի թեման, առկախվել է», - «Փաստինֆո»-ին ասաց Բագարանի վարչական ղեկավար Իշխան Գալոյանը։

Նրա փոխանցմամբ՝ ՀՀ Կառավարության ծրագրով որոշվել էր երկու գյուղերի համար կրթահամալիր կառուցել։ «Ես մարզպետի հետ խորհրդակցեցի, որոշվել էր մի գյուղում սարքել, մյուս գյուղի համար անհամարություն էր ստեղծվում, չգիտեմ ծրագրի հետագա ընթացքը ինչպես կլինի, բնակիչների սրտով չէր այդ անհարմարությունը, հիմա շինարարությունը, ծրագիրը կասեցվում է։ Գյուղերն իրենց բնականոն կյանքով կշարունակեն ապրել մինչև կհասկանան՝ կրթահամալիր չի՞ լինելու, թե՞ հետագայում կլինեն այլ ծրագրեր»- նշեց Ի. Գալոյանը։

Ավելի վաղ հաղորդել էինք, որ Արմավիրի մարզի Բագարան համայնքում երեխաները դասադուլ են անում՝ բողոքելով երկու գյուղերի համար մեկ կրթահամալիր կառուցելու կառավարության որոշման դեմ։ Կրթահամալիրը նախատեսում է, ր պետք է լիներ երկու գյուղերի մեջտեղում։

Աղբյուր` Փաստինֆո