Փաստ ինֆո

ԱԺ նիստի ընթացքում այսօր միջադեպ տեղի ունեցավ ՔՊ-ական պատգամավոր Սերգեյ Բագրատյանի և ԱԺ նախագահ Ալեն Սիմոնյանի միջև։

Հերթական նախագծի քննարկման ընթացքում հարցերի հերթագրման ընթացքում Ալեն Սինոնյանը չնկատեց, որ Սերգեյ Բագրատյանը գրանցվել է, Երբ ԱԺ փոխնախագահ հակոբ Արշակյանը հուշեց՝ Սիմոնյանը վրդովվեց. «Պարոն Բագրատյան, դե մի քիչ շուտ սեղմեք էլի»։

Բագրատյանն էլ հակադարձեց, թե շնորհակալ է, տեխնիկական հնարքները իրեն հուշելու համար։ «Բայց ես այս հարցը չէի տա, հատուկ եմ տալիս, որովհետև տեսնում եմ, որ դուք շտապում եք, որ շուտ քվեարկենք։ Մենք եկել ենք էստեղ աշխատելու համար, ժողովուրդ ջան, լիքը լուրջ հարցեր կան, ուզում եք ուր եթանք «կոխցրած» շուտ-շուտ քվերակենք, «հարց մի տվեք», «ձեն չհանես», «սուս», չի կարելի ժողովուրդ ջան, մենք աշխատավարձ ենք ստանում ու բարձր աշխատավարձ ենք ստանում, ու պետք է մեր հարցերով պարզաբանենք էս օրենքները։ Հիմա էս օրենքը, եթե առավոտը մի քաղաքացի հասկանա, թե ինչ մասին էր էս օրենքը՝ ականջներս կկտրեմ։ Բա ինչի ենք եկել, եկեք պարզաբանենք, մարդիկ իմանան, ինչ ենք քննարկում, ինչի ենք հավաքվել։ Եթե շտապում ենք՝ եկեք պայմանավորվենք, ոչ էլ քննարկենք, քվերակենք-գնա, մենք տնտեսության մեջ շատ պրոբլեմներ ունենք, եկեք աշխատենք»

Ալեն Սիմոնյանն էլ արձագանքեց. «Պարոն Բագրատյան, բայց ձեզ ով էր նա ասել, որ վրդովվեցիք, պետք չի ինձ պատասխանել, անջատեք բարձրախոսը, որևէ մեկը որևէ մեկի չի շտապեցրել, ուղղակի տախտակի վրա չի երևում, որ ձեզ ձայն տամ, դուք մշտապես, երբ հարց եք ուզեցել տալ՝ տվել եք, որևէ մեկին չմեղադրեք շտապելու համար, ես հաստատ տեղ չեմ շտապում»։

Աղբյուր` Փաստինֆո