Փաստ ինֆո

Արմեն Աշոտյանի գործով առանցքային վկայի՝ Կարեն Ակոպյանի, գաղտնալսման արդյունքներն են հիմք հանդիսացել, որի հիման վրա քննչական մարմինները և դատարանը եկել էին եզրահանգման, թե ազդեցություն է եղել։ Մեղքի մասին չեմ էլ ուզում խոսել։ Մարդը մեղք ունի՞, որ իր նկատմամբ կա հարգանք։ Հիմա, եթե վկան հարգանք ունի կամ ունեցել է Աշոտյանի նկատմամբ, այսինքն՝ պետք է մարդը որևէ մեկի մոտ հարգանք չհարուցի՞, որ չհայտնվի կալանքի տակ։ Փաստն այն էր, որ ինքն է գնացել կնոջ համար, որ այժմ մեղադրյալ է, ասել՝ քո լայվերի պատճառով է, Աշոտյանը մեղք ունի՞, որ եկել, ասել են՝ հարցը պետք է լուծես, Աշոտյանն էլ ասել է՝ եթե իմ մասին է խոսքը, ինչ ճիշտ եք համարում՝ ցուցմունք տվեք, եթե պետք է սուտ ցուցմունք տաք, տվեք։ Այս մասին լրագրողների հետ զրույցում ասաց ՀՀԿ փոխնախագահ Արմեն Աշոտյանի պաշտպան Ռուբեն Մելիքյանը։

«Քաղաքական պատճառներ, վստահ եմ, որ կան, բայց իրավական հանգամանքներ կան։ Սռաջինը՝ Վերաքննիչ դատարանի որոշումն էր, որը բավական գովելի որոշում էր՝ իրավաբանության տեսանկյունից, թեև այդ որոշման դեպքում եզրափակիչ մասն այլ էի պատկերացնում, բայց չափանիշներ էր տրված, ինչը առաջին ատյանի դատարանի համար հաղթահարելը գործնականում հնարավոր չէր։ Օրինակ՝ արդիականության աստիճանական նվազման տեսությունն էր ձևակերպել։ Բացի այդ, առանցքային վկայի հարցաքննությունն ավարտվել է»,- ասաց Մելիքյանը՝ անդրադառնալով հարցին, թե ինչպես ստացվեց, որ դատարանը բավարարեց Աշոտյանի խափանման միջոցի փոփոխման միջնորդությունը։

Աղբյուր` Փաստինֆո