Փաստ ինֆո

Այսօր Կառավարության հետ հարցուպատասխանի ընթացքում անդրադառնալով Հայաստանի կողմից Նոյեմբերի 9-ի հայտարարության կետերը չկատարելու վերաբերյալ Հայաստանին ուղղված քննադատություններին՝ Նիկոլ Փաշինյանն ընթերցեց հայտարարության 9-րդ կետը։

Նա ընդգծեց, որ այն Ադրբեջանի և Նախիջևանի միջև կապ հաստատելու մասին չէ միայն և առաջին հերթին դրա մասին չէ, դա ընդամենը թեմայի մանրամասների մասին է, տարածաշրջանի բոլոր տրանսպորտային կապերի բացման մասին է։

«Օրինակ, Հայաստան-Իրան երկաթուղի, Հայաստան Ռուսաստան երկաթուղի՝ ընդ որում՝ Մեղրիով և Իջևան Ղազախով, ավտոճանապարհի բացում Հայաստանից Իրան՝ օրինակ Նախիջևանով։ Ադրբեջանով դեպի ռուսաստան, դեպի Ղազախստան և այլն։ Այսինքն, 9-րդ կետը դրա մասին է։ Հայաստանից Իրան գնացող երկաթուղին Հայաստա՞նն է փակել ու չի թողնում աշխատի, բա՞ց է, եթե բաց է՝ ասեք, մենք բեռներ ունենք տանելու»։

Անդրադառնալով՝ 9-րդ կետի մյուս մասին, ըստ որի՝ ՀՀ-ն պետք է ապահովի կապ Ադրբեջանի Արևմտյան շրջանների և Նախիջևանի ինքնավար հանրապետության միջև տրանսպորտային հաղորդակցությանը՝ նա շեշտեց. «Երաշխավորը անվտանգության ՀՀ-ն է։ Եւ բոլոր նրանք, որ ասում են 3-րդ երկրի անվտանգության ապահովման երաշխիք է վերապահված՝ պետք է ցույց տան, թե որտեղ է դա գրած։ Ավելին՝ երթևեկության կազմակերպողը ՀՀ-ն է»։

Ինչ վերաբերում է ՌԴ ԱԳԾ սահմանապահ ծառայության կողմից տրանսպորտային հաղորդակցության նկատմամբ վերահսկողություն իրականացնելուն նա ընդգծեց, որ ոչ մի տեղ գրված չէ, որ ՌԴ սահմանապահ մարմինները պետք է տեղում ներկա լինեն, նման բան գրած չէ։ «Սահմանապահների ներկայության մեր երկրում պայմանագրի հարց է, ՀՀ-ի որոշելիք հարցն է, այսօր կարող ենք որոշել որ ներկա են, վաղը կարող են որոշել՝ ներկա չեն»։

Աղբյուր` Փաստինֆո