Փաստ ինֆո

Ուղիղ վեց տարի առաջ՝ 2018թ․ սեպտեմբերի 11-ին, համացանցում տարածվեց խոսակցության ձայնագրություն, որի ընթացքւոմ ԱԱԾ պետը, ՀՔԾ պետը և վարչապետը քննարկում են, թե ինչպես են կալանքի տանում մարդկանց, ինչպես են դրա մասին տեղեկացնում դատավորներին, թե ինչպես պետք է անի, ում նկատմամբ ինչ կիրառի՝ գրավ, կալանք։ Այսինքն՝ մինչև դատարանի վերջնական որոշումն արդեն գիտեն, թե ինչ է լինելու, ցուցումներ են լինում։ Այս մասին ԱԺ-ում ասաց Լևոն Քոչարյանը՝ դիմելով Նիկոլ Փաշինյանին։

« 2018թ․ ապրիլին իրադարձություններից հետո շատ սկզբունքներ որդեգրվեց, խոստումներ տրվեց և սա առաջին առաջին ցցուն ապացույցն էր, թե ինչքան կեղծ են շատ խոստումներ՝ ժողովրդավարության բաստիոնը, դատավորներին զանգեր չի լինելու և այլն»,- ասաց Քոչարյանը՝ նշելով, որ դրան է հետևել արդեն տարբեր հետապնդումները, դատարանների նկատմամբ ճնշումները, կոնկրետ դատավորների լիազորություններ դադարեցնելը․ «Հարցը հետևյալն է՝ նույն ձևով է ամեն ինչ արվում, թե սխեմա է փոխվել, որովհետև, որ արվում է՝ փաստ է»։

Նիկոլ Փաշինյանը, պատասխանելով հարցին, նշեց, թե Հայաստանում անկախ դատական համակարգ ունենալու պատասխանատվությունը կրում է կառավարությունը և խորհրդարանական մեծամասնությունը, ինքը չի կարծում, որ ՀՀ-ում ունենք լիարժեք դատական համակարգ։

Փաշինյանը, փաստացի, խուսանավեց ձայնագրությամբ՝ իր անունը շոշափելու մասին խոսելուց՝ «մեղքը» բարդելով դատական համակարգի, ինչպես նաև՝ անուղղակիորեն շոշափեց ԱԱԾ նախկին ղեկավարի հարցը։

Աղբյուր` Փաստինֆո