Փաստ ինֆո

Կկարգավորվի Էլեկտրոնային ինգնագլորների և այլ էլեկտրոնային տրանսպորտի շահագործման ոլորտը։ ՀՀ ԱԺ Պաշտպանության և անվտանգության հարցերի մշտական հանձնաժողովն այսօր դրական եզրակացություն տվեց « ՀՀ Ճանապարհային երթևեկության անվտանգության ապահովման» մասին ՀՀ օրենքում, վարչական իրավախախատումների վերաբերյալ ՀՀ օրենսգրքում փոփոխություններ և լրացումներ կատարելու մասին օրինագծերին։

Հանձնաժողովի նախագահ Ա. Քոչարյանի արձանագրմամբ՝ հարցն ակտուալ է, հանրապետությունում, հատկապես մայրաքաղաքում շատացել են էլեկտրական շարժիչով անհատական շարժունակությամբ տրասպորտային միջոցները, որոնք ծառայում են ինչպես մեր հասարակության, այնպես էլ զբոսաշրջիկներին, առաքման ծառաություն մատուցողներին, բայց ոլորտն, ըստ էության, կանոնակարգված չէ։ Առաջացել է անհրաժեշտություն սահմաներու երթևեկության կանոնները, նաև խախտման դեպքում առաջացող հետևանքները։

Դա նախատեսված է իրականացնել ՀՀ Ճանապարհային երթևեկության մասին օրենքում և « ՀՀ Վարչական իրավախախտումների մասին օրենսգրքում փոփոխություններ և լրացումներ կատարելու միջոցով։ ՆԳ փոխնախարար Դավիթ Համբարյանի փոխանցմամբ՝ առաջարկվում է սահմանել նման փոխադրամիջոցների բնութագիրը և դրանք վարելու իրավասություն ունեցող անձանց շրջանակը, իսկ վարելու համար գոտիների սահմանումը վերապահված է տեղական ինքնակառավարման մարմիններին։

«Մինչ քաղաքապետարանը հաստատի ինքնագլորների կայանման վայրերի ցանկը, ինքնագլորներն անընդհատ քաոտիկ պտտվում են և՛ մայթերին, և՛ մայթերից դուրս, վերահսկողությունը ծավալուն խնդիր է նաև ոստիկանության համար»,- հայտարարեց Անդրանիկ Քոչարյանը՝ ավելացնելով, որ ինքնագլորները շարունակում են դաժանաբար խախտել բոլոր հնարավոր շարժումները մայթերին և դրանից դուրս, որոշ դեպքերում վարում են ընդհուպ իրար գրկած։ Կարևոր է, որ սկսենք ինչ-որ կարգավորումից և տեսնենք, թե ուր ենք հասնում։

Աղբյուր` Փաստինֆո