Փաստ ինֆո

ՀՀ ԱԺ «Պաշտպանության և ազգային անվտանգության հարցերի մշտական հանձնաժողովն այսօր դրական եզրակացություն տվեց «Վարչական իրավախախտումների վերաբերյալ ՀՀ օրենսգրքում լրացումներ և փոփոխություններ կատարելու մասին» ՀՀ ԱԱԾ կողմից ներկայացված օրինագծին։

ԱԱԾ իրավական վարչության պետ Նելլի Մանանդյանի փոխանցմամբ՝ օրինագիծն ուղղված է բարձրացնելու պետական և տեղական ինքնակառավարման մարմիններում և իրավաբանական անձանց մոտ գաղտնիության մակարդակը, այս ոլորտում հնարավոր իրավախախտումների վերացման, ինչպես նաև գաղտնի տեղեկությունների արտահոսքի համար նպաստող պայմանները բացառելու անհրաժեշտությամբ։Ըստ ԱԱԾ ներկայացուցչի՝ գործող օրենսգրքում, ինչպես նաև « ՀՀ քրեական օրենսգրքում» պետական գաղտնիքին առնչվող իրավախախտումների շրջանակը սահմանափակվում է ուղղակի գաղտնի տեղեկությունների հրապարակման համար պատասխանատվությամբ, իսկ ներկայացված նախագծով ԱԱԾ -ն առաջարկում է «Վարչական իրավախախտումների վերաբերյալ» օրենսգիրքը լրացնել հոդվածով, որը պատասխանատվություն կնախատեսի պետական գաղտնիք պարունակող օրենսդրության պահանջները չկատարելու համար։

Հոդվածի առաջինից յոթերոդ մասերով ամփոփվում է գաղտնի տեղեկատվությունների գաղտնագրման, այդպիսի տեղեկությունների ոչնչացման , գաղտնազերծման, գաղտնի գործավարության, համակարգչային տեխնիկայի միջոցով դրանց փոխանցման ընթացակարգերին վերաբերող հիմնական խախտումները, դրանց համար նախատեսել ենք համապատասխան տույժ տուգանքի տեսքով։ Լրացվող իրավախախտումները քննելու է ԱԱԾ-ն, փոփոխությամբ նաեւ առաջարկվում է ԱԱԾ անունից վարչական իրավախախատումների վերաբերյալ գործեր քննելու և տույժեր նշանակելու իրավունք ունեցող պաշտոնատար անձանց շրջանակը սահմանելու լիազորությունը վերապահել ԱԱԾ տնօրենին։

Ըստ ԱԱԾ իրավաբանական վարչության պետի՝ նախագծի ընդունմամբ դրական ազդեցություն կունենա ոլորտում խախտումների ծավալը նվազեցնելու, բացառելու համար արտահոսքը։

Աղբյուր` Փաստինֆո