Փաստ ինֆո

Կրկնվող երազները կարող են մի քանի պատճառների հետևանք լինել, պատմել է պրակտիկ հոգեբան, hոգեբանական գիտությունների թեկնածու Օլիվիա Կոսսը: Թե ինչպես է գործում ֆենոմենը, նա բացատրել է «Лента.ру»-ի հետ զրույցում:

Որպես կրկնվող երազների պատճառներից մեկը՝ հոգեբանը նշել է վերապրած տրավմատիկ իրադարձությունները, որոնք կարող են հանգեցնել հետվնասվածքային սթրեսային խանգարման (PTSD)՝ ֆիզիկական, սեռական կամ հուզական:

«PTSD-ի ախտանիշներից մեկը ֆլեշբեքներն են, որոնք կարող են առաջանալ ինչպես քնի, այնպես էլ արթնության ժամանակ: Ամենից հաճախ դա տեղի է ունենում այն մարդկանց հետ, ովքեր չեն կարողացել ակտիվ գործողությամբ արձագանքել տրավմային: Մենք ունենք երեք բնազդային արձագանք ուժեղ սթրեսին՝ կռվել, փախչել կամ անշարժանալ: Անշարժանալը արգելափակում է հույզերը: Սրանք մնում են չվերապրված և գնում անգիտակից մաս։ Հետագայում այդ հույզերը կարող են վերադառնալ, այդ թվում՝ երազներում: Սա ազդանշան է, որ սթրեսի ապրելու ցիկլը չի ավարտվել, եւ զգացմունքները մնացել են արգելափակված», - պատմել է մասնագետը։

Բացի այդ, կրկնվող երազները կարող են ազդարարել չիրացված կարիքների և թաքնված վախերի մասին: Այսպիսով, երազներում կարող է դրսևորվել մի բան, որը մենք չենք ընդունում՝ հերքում և անընդունելի ենք համարում:

Բացի այդ, հոգեբանի խոսքով, այս կերպ կարող է վերականգնվել հոգեկան աշխարհը։ Կա վարկած, որ դա տեղի է ունենում, երբ մենք հաճելի երազներ ենք տեսնում՝ հաճույքով թռչում ենք, լողում մաքուր և պարզ ջրի մեջ կամ շփվում բնության հետ։

Այն ամենն, ինչ մեզ հետ պատահում է կրկնվող երազներում, պատահականություն չէ, այլ մեր ենթագիտակցության խորխորքի արտացոլում՝ ճնշված զգացմունքներ, անընդունելի ցանկություններ, դուրս մղված հիշողություններ, չգիտակցված կարիքներ: Այն ամենը, ինչ մնացել է աննկատ և անարդարացիորեն փակված։

Աղբյուր` Փաստինֆո