Փաստ ինֆո

Սահմանազատման կանոնակարգում տարակուսանք առաջացնող կետեր կան, վիճահարույց երկու կետ՞ Այնտեղ երկու վիճահարույց կետ։ Նախ, առաջին կետով Ալմա-Աթայի հռչակագրին վերաբերող դրույթի առնչությամբ՝ Ալմա-Աթայի հռչակագիրը դեկլարատիվ փաստաթուղթ է և դրա խորքում քարտեզ չկա։ Ալիևը տարբեր հատվածներում կարող է տարբեր պահանջներ առաջ քաշել։ «ՓաստԻնֆոյի» եթերում ասել է միջազգայնագետ, քաղաքական վերլուծաբան Դավիթ Կարապետյանը։

Բանախոսի դիտարկմամբ, կանոնակարգի 5-րդ կետի 2-րդ դրույթով ասվում է, որ ադրբեջաներենից և հայերենից բացի որպես երրորդ լեզու է ռուսերենը։ Սա մեսիջ է, որ այս ամբողջ գործընթացի համակարգումը Ռուսաստանի ներքո է։ Ստացվում է, որ, եթե տարընթերցումներ լինեն, ապա դա ոչ թե լեզվական, թարգմանչական խնդիրների պարագայում է լինելու, այլ դիմելու են պաշտոնական Մոսկվային։

Փորձագետը նշում է, որ Ադրբեջանին հաջողվեց երկկողմ դիվանագիտական հարաբերությունների անվան տակ Հայաստանին բերել երկկողմ դաշտ, քանի որ այդպես ավելի հեշտ է կորզել այն, ինչ ցանկանում են։

Անդրադառնալով «Զանգեզուրի միջանցք» կոչվածի ճակատագրին, բանախոսը նշեց, որ աշխարհաքաղաքական կենտրոնների միջև կոնսենսուս կա, որ այդ ճանապարհը պետք է բացվի։ Բացառություն էր Իրանը, որը, որոշակի պայմանների հիմքի վրա գուցե արդեն համաձայն է։ Իրանի համաձայնությունը ստանալու պարտականությունը Մոսկվան վերցրել էր իր վրա։ Պատահական չէ, որ օրերս Իրանում Ռուսաստանի դեսպանը հրավիրվեց որոշակի ճշգրտումներ կատարելու։

«Ռուսաստանը և Ադրբեջանը սինխրոն են գործում, ասելով, որ, եթե հայկական կողմը չի հրաժարվում նոյեմբերի 9-ի փաստաթղթից, ապա պետք է կատարի իր պարտավորությունները, քանի որ կա ստորագրություն։ Խաղաղության դարաշրջանը դա միֆ է, խաղաղության պայմանագիրը՝ լակմուսի թուղթ»,- ասել է Դ․ Կարապետյանը։

Մանրամասները՝ տեսանյութում։

Աղբյուր` Փաստինֆո