Փաստ ինֆո

Էներգամատակարարման խնդիրները, որոնք առաջացել են միայն մասամբ են ՀԷՑ-ի պատճառով, հիմնական խնդիրնը այս ընկերության հետ կապված չեն։ Հարցը նրանում է, որ Հայաստանում էլեկտրաէներգիայի արտադրությունը չի բավարարում։ Այս մասին «Փաստինֆոյի» հետ զրույցում ասաց էներգետիկ անվտանգության փորձագետ Արմեն Մանվելյանը՝ անդրադառնալով այսօրվա կառավարության նիստում Փաշինյանի հայտարարությանը, թե հոսանքազրկումները Հայաստանում ավելանում են ու, որ ինքը խորացող խնդրին լուծումներ է սպասում։

Մանվելյանն ընդգծեց, որ հենց կառավարության վատ կառավարումն է պատճառը, որ հայտնվել ենք այս իրավիճակում։ «Նախկինում մենք էլեկտրաէներգիա էինք ստանում Արցախից, հատկապես՝ Քարվաճառից։ Հիմա քանի որ նվիրել ենք Քարվաճառը Ադրբեջանին՝ մեր էլեկտրաէներգիայի արտադրության ծավալը նվազել է 10 տոկոսով, սա հավատացեք շատ մեծ թիվ է Հայաստանի համար։

Սրան գումարած այն, որ իրենք թիրախավորված հարձակումներ են կատարում ՀԷՑ-ի վրա, իսկ ՀԷՑ-ը մասնավոր ընկերություն է, սա հանգեցրել է նրան, որ ՀԷՑ-ն այն ներդրումները, որոնք պետք է կատարի համակարգը թարմացնելու համար, պարզապես չի կարողանում անել, քանի որ գտնվում է գործող ռեժիմի շարունակական ճնշման տակ»։

Նա նաև ընդգծեց, որ խնդիրներից մեկն էլ այն է, որ այդ մի շարք էներգետիկ ծրագրեր այս իշխանությունները ձախողել են։ «Մասնավորապես, պետք է կառուցեին Երևանի երկրորդ ՋԷԿ-ը, որը չեն կառուցել, թեև դրա բացման մասին Փաշինյանը պաշտոնական հայտարարել էր, բայց այդպես էլ չկարողացավ իրագործել։ Պետք է կառուցեր բարձրավոլտ համակարգ՝ դեպի Իրան, պետք է կառուցեր բարձրավոլտ կայան դեպի Վրաստան, պետք է արդեն աշխատեր «Հրազդանի 5-րդ» էներգաբլոկը, որը չի աշխատում, կանգնած է։ Այսինքն, այս մարդիկ ձախողել են Հայաստանի ողջ էներգաէներգետիկ համակարգը»։

Փորձագետը ընդգծեց նաև, որ բացի այդ՝ սկսել է սեզոնային ծախսերը ավելանալ, այսինքն, մարդիկ ամռանը սկսել են օդորակիչ օգտագործել ու ամռանը էլեկտրաէներգիայի ծախսը սկսել է ավելանալ։ «Մինչդեռ սովորաբար ամռանը նվազում էր էլեկտրաէներգիայի սպառումը։

Այս փոփոխությունները, որոնց մասին ես խոսում եմ, դրանք նոր չեն սկսվել, դրանք վերջին 5-6 տարում նկատվող փոփոխություններ են, որոնք եթե այս իշխանությունները ժամանակին լուծարած չլինեին ու ունենային էներգետիկայի նախարարություն՝ գոնե կունենային մի մասնագետ, որը այս ամենը կտեսներ ու զգուշացներ։

Իհարկե, այս ամենը բնական վիճակ չէ, սա վատ կառավարման հետևանք է, ընդ որում Տարածքային կառավարման նախարարության, որին չգիտես ինչու՝ տվել են նաև էլեկտրաէներգետիկան և այս անգրագետ, տգետ կառավարումը հանգեցրել է նրան, որ երկիրը գնում է աղետի եզրին»։

Մանվելյանն ընդգծեց, որ հիմնական պրոբլեմը ՀԷՑ-ի մեջ չի, այլ հենց կառավարության մեջ է, որոնք չեն հասկանում խնդիրը ժամանակին կանխատեսել ու լուծել։ «Արդեն ուշ է լուծում գտնելու համար, էլ ի՞նչ լուծում պիտի գտնեն, նոր հզորություններ կառուցել չեն կարող, ի՞նչ է, լուծում պիտի գտնեն՝ էլեկտարէներգիայի արտահանող երկրից պիտի դառնանք էլեկտրաէներգիա նորմուծո՞ղ երկիր պիտի դառնանք։ Հիմա միակ լուծումը կարծես դա է, բայց տպավորություն է, որ ամբողջ պատասխանատվությունը փորձ է արվում բարդել ՀԷՑ-ի վրա։ Նպատակը կարող է մեկը լինել՝ վերցնել այն այսօրվա տիրոջ ձեռքից։ Շատ հնարավոր է ռեյդային հարձակման նման մի բան լինի՝ բաժնետոմսեր վերցնեն ու իրենց բարեկամ, ՔՊ-ական մեկին նվիրեն։ Հնարավոր է նման գործընթաց են նախապատրաստում, թեև իրական խնդիրը այլ տեղում է»։

Աղբյուր` Փաստինֆո