Փաստ ինֆո

Կառավարությունն օդից չի ընկել, մենք մեր տների, մեր միջավայրի ծախսային մշակույթի կրողներն ենք: Այս մասին կառավարության նիստում ասաց ՀՀ վարչապետ Նիկոլ Փաշինյանը՝ անդրադառնալով կառավարության ծախսային քաղաքականության արդյունավետությանն ու ընդգծելով, որ շատ դեպքերում շատ պետական միջոցներ արդյունավետ չեն ծախսվում։

«Հասկանալու համար, թե ինչպես է ծախսում կառավարությունը գումարները՝ պետք է գնալ մեր հարսանիքներին, կնունքներին, ծնունդներին, տեսնել, թե ինչպես ենք ծախսում այդ միջոցառումների վրա, ոնց այնտեղ ենք ծախսում, այնպես էլ այստեղ ենք ծախսում:

Երբ առիթ է լինում ռեստորաններում՝ տեսնում եմ, որ համատարած մեր բոլոր քաղաքացիներն իրենց անհրաժեշտից մի 20-30 տոկոս ավելին են պատվիրում: Մարդիկ հաշիվը փակում են, գնում՝ մեկ էլ աչքդ ընկնում է՝ ոնց որ հենց նոր դրած սեղան լինի, երեք այդքան մարդ կարող է գալ, նստել, սնվել:

Նկատի ունեմ, որ սա իրականում սոցիալ-հոգեբանական խնդիր է, կրթության խնդիր է, ինչի է մեր սեղաններին երբեմն անգամներով ավել սնունդ քան պետք է ուտել՝ կշտանակու համար: Բոլորս ենք այդպես։ Որովհետև, վախենում ենք, որ կասեն՝ մի 2 կոպեկ խնայել են։ Սրանք խորը փոխկապակցված հարցեր են։ Մարդը երեկոյան հյուր է ընդունում, իր փողն է էդպես ծախսում, առավոտյան գալիս է աշխատանքի ու նույնկերպ սկսում է ծախսել պետության գումարը։ Չի կարող մարդը երեկոյան լինել իռացիոնալ ոչ էֆեկտիվ, մտնել նախարարության շենք ու փոխվի։

Բայց ուզում եմ ասել, որ 300 դպրոց, 500 մանկապարտեզ ծրագիրը ամենահրաշալի բանն է, որ մենք կարող ենք անել մեր պետության համար, այս ծրագիրը ֆունդամենտալ կերպով այսօր արդեն փոխում է մեր երկրի կերպարը ու ապագան»,-ասաց Փաշինյանը:

Աղբյուր` Փաստինֆո