Փաստ ինֆո

Ադրբեջանիցները բոլոր հարթակներում ամեն ինչ անում են Ալմաթիի հռչակագրից խուսափելու համար. զարմանալիորեն նույն բանն անում են մեր ընդդիմադիրները: Այս մասին լրագրողների հետ զրույցում ասաց ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը:

«Ի դեպ, դա շատ հետաքրքիր է, թե ինչու պետք է այդպես լինի: Եթե նրանց ձեռնտու չէ, պետք է մեզ ձեռնտու լիներ։ Ալմաթիի հռչակագիրը ֆիքսում է ԽՍՀՄ փլուզման պահին եղած սահմանները: Ենթադրում եմ՝ Ադրբեջանը չի ցանկանում որևէ սահման ֆիքսել, իսկ մենք ցանկանում ենք այդ սահմանները ֆիքսել»:

Հարցին՝ մտահոգի՞չ է, որ Ադրբեջանը դեռ չի հրպարակել սահմանազատման հանձնաժողովների գործունեության կանոնակարգը, Արման Եղոյանը պատասխանեց. «Եկեք կենտրոնանանք աշխատանքի վրա, ոչ թե աշխատանքի ընթացքում առաջացած պրոբլեմների վրա»:

Նա չբացառեց, որ առանց կանոնակարգի վավերացման սահմանազատման գործընթացը շարունկվի որևէ այլ հատվածում. «Բայց ամբողջական, որպես փաթեթ, իհարկե, ճիշտ կլինի, որ այն հրապարակվի, հաստատվի, և արդեն ըստ դրան շարունակվի»:

Աղբյուր` Փաստինֆո