Փաստ ինֆո

Ֆրանսուհի Ժենևյևա Բլանդինը պատմել է Ռուսաստանի հանդեպ սիրո մասին։ Համապատասխան հարցազրույցը հրապարակում է IRK.ru պորտալը։

Լրագրողների հետ զրույցում կինը նշել է, որ 2017 թվականին սկսել է հետաքրքրվել երկրի ավանդույթներով և մշակույթով: «Ես Մոսկվայից Վլադիվոստոկ էի մեկնում երեք ամիս՝ ճանապարհին կանգ առնելով ինչպես խոշոր քաղաքներում, այնպես էլ շատ մեկուսացված վայրերում։ Հիմա ես ուզում եմ Ռուսաստանում կացության իրավունք ստանալ եւ ընկղմվել իսկական ռուսական մթնոլորտի մեջ՝ ապրել Սիբիրում», — հայտարարել է նա։

Բացի այդ, օտարերկրացի կինը խոստովանել է, որ ցանկացել է ամուսնանալ Ռուսաստանի նախագահ Վլադիմիր Պուտինի հետ, սակայն մինչ այդ խնդրել է նրան գտնել իր համար սիրելիին: «2018 - ին ես եկա Ռուսաստան՝ մասնակցելու ֆուտբոլի աշխարհի առաջնությանը (...)։ Ես ֆրանսուհի եմ Մարտինիկ կղզուց։ Նախագահ Պուտին, խնդրում եմ օգնեք ինձ գտնել լավ ռուս ամուսին», — պատմել է Բլանդինը։

Կնոջ խոսքով՝ այն ժամանակ ինքը ամուսին գտնելու շանսեր չի ունեցել, քանի որ առողջական խնդիրների պատճառով 123 կիլոգրամ էր կշռում։ «Բայց հիմա ես ապաքինվել եմ, լավ մարզավիճակում եմ (զբաղվել եմ մարտարվեստով և եռամարտով), և եթե պարոն Պուտինը ամուսնացած չէ...», — հեգնանքով ասել է պարբերականի զրուցակիցը:

Աղբյուր` Փաստինֆո