Փաստ ինֆո

Մենք նոր ենք գլխի ընկել, բայց օրինակ գյուղատնտեսության ոլորտում մի շարք մասնագիտությունների ժամավճարներ գոյություն ունեն, որ նույնիսիկ մինչև վերջ չէս էլ հավատում, որ կարող է նման բան լինել ու նրանց ժամը 700-800 եվրո արժենալ։ Այս մասին այսօրվա կառավարության նիստում ասսց ՀՀ վարչապետ Նիկոլ Փաշինյանը՝ ընդգծելով, որ մյուս կողմից, եթե մեկ ժամ, կամ մեկ օր այդ մասնագետներին վարձելը հասու է որոշ ներդրողներրի, բայց 365 օրը հաստատ հասու չէ։

«Այս տրամաբանությունից ելնելով ներդրողները խնդիր են դնում, ու փնտրում են աշակերտների ու փորձում են նրանց ուղեկցել, որ նրանք մասնագիտություն ընտրեն, էսօրվանից գան սկսեն աշխատել, զուգահեռ կրթություն ստանան։ Հիմա սա պահանջված է և մենք պետք է այս մասնագիտությունները խթանենք՝ իմանալով, որ աշխատատեղեր կան, դրանք թափուր են և գնալով մեծանալու են»։

Նա ընդգծեց, որ այն մասնագիտությունները, որոնք PR-ի չեն ենթարկվում, դրանց մասին մենք չգիտենք։ «Այսինքն կա «մասնագիտական մոդա» հասկացություն, որ նրանք այդ մասին տեղեկանում են սոցիալական ցանցերից և այլն: Հիմա մենք բոլոր տեղերում, որ գնում ենք խոսում ենք IT ոլորտ, IT ոլորտ, բայց չենք էլ նկատում, որ այդ ոլորտն էլ է փոխվում: Ընդ որում, այդ մասնագիտություններ կան, որ 7-8 տարի առաջ թոփ մասնագիտություններ էին, բայց ներսում փոփոխություններ են լինում, որովհետև արհեստական բանականությունը գալիս եւ շատ մասնագիտություններ դուրս էմղում:

Դեպքեր կան, որ երբ ծրագիր գրող մարդ էլ պետք չի, քանի որ արհեստական բանականությունը գրում է ավելի լավ ծրագիր, քան մարդը կարող էր գրել, հետևաբար, գյուղատնտեսության ոլորտում կրթության խթանումը մեզ կօգնի, որ այն երիտասարդը, որ ընտրության առաջ է կանգնած՝ պետք է կամ մասնագետ դառնա, կամ մնա գյուղում, էս կոնֆլիկտը չլինի: Ինքը կարող է կրթություն ստանալ, մնալ գյուղում և բարձր վճարվող աշխատավարձ ունենալ բուսաբուծության, անասնապահության, անասնաբուժության, սննդի վերամշակման ոլորտներում և այլն»,-ասաց նա:

Աղբյուր` Փաստինֆո