Փաստ ինֆո

Ռուսական կողմը ակնկալում է Հավաքական անվտանգության պայմանագրի կազմակերպությանը (ՀԱՊԿ) Երևանի լիիրավ մասնակցության վերականգնմանը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան Արևելյան տնտեսական ֆորումի շրջանակում կայացած ճեպազրույցում։

«Մենք հուսով ենք, որ բուն Հայաստանի և ամբողջ տարածաշրջանի ապագա անվտանգության շահերից ելնելով, մեր գործընկերությունը Հայաստանի հետ ՀԱՊԿ շրջանակներում ամբողջությամբ կվերսկսվի»,- նշել է դիվանագետը։

Զախարովան ընդգծել է, որ Երևանը «դե յուրե մնում է կազմակերպության լիիրավ անդամ» և պահպանում է համապատասխան իրավունքներն ու պարտականությունները, սակայն ներկա փուլում Հայաստանի ղեկավարությունը փաստացի «հավատարիմ է մնում նման փոխգործակցությունից հեռանալու գծին», որը, ռուսական կողմի դիրքորոշմամբ, «հակասում է հայ ժողովրդի շահերին»։

«Ես պարբերաբար կարդում եմ Երևանի պաշտոնական հայտարարությունները, այդ թվում՝ ՀԱՊԿ-ի հետ կապված։ Որոշ ժամանակ առաջ հայտարարեցին, որ ՀԱՊԿ-ը լքել է Հայաստանի տարածքը, իսկ հետո սկսեցին ասել, որ սառեցրել են իրենց գործունեությունը կազմակերպության ներսում։ Ամեն բառի հետևում, յուրաքանչյուր արտահայտության հետևում պետք է լինի ոչ միայն իմաստ, որը չափազանց կարևոր է, բայց եթե այն ասվում է պաշտոնյայի կողմից, պետք է լինի նաև պատասխանատվություն ոչ միայն ասվածի, այլ նաև հետևանքների համար։

Երևանը դե յուրե մնում է ՀԱՊԿ լիիրավ անդամ և պահպանում է համապատասխան իրավունքներն ու պարտականությունները։ Հայաստանի ղեկավարությունը հավատարիմ է մնում նման փոխգործակցությունից հեռանալու գծին, որը, մեր կարծիքով, հակասում է հայ ժողովրդի շահերին։ Եվ մենք հույս ունենք, որ բուն Հայաստանի և ողջ տարածաշրջանի ապագա անվտանգության շահերից ելնելով, ՀԱՊԿ շրջանակներում Հայաստանի հետ գործընկերությունը լիովին կվերսկսվի»,-հայտարարել է Զախարովան։

Աղբյուր` Փաստինֆո