Փաստ ինֆո

Հունիսի 7 -ին Երեւանի ՀԷԿ-ում տեղի ունեցած վթարի՝ հրդեհի, հետևանքները օգոստոսի 26-ին վերացվել են։ Այդ մասին այսօր ասել ՀԷՑ-ի տնօրենների խորհրդի նախագահ Կարեն Դարբինյանը։

Նրա փոխանցմամբ՝ հրդեհից առաջ թվով 9 բաշխիչ ենթակայան և շուրջ 32 հազար 922 բաժանորդ ունեցել են երկկողմանի էլեկտրամատակարարում։ Վթարից հետո վերը նշված ենթակայանները մնացել էին միակողմանի էլեկտրասնուցմամբ, որի պատճառով վթարի հետեւանքների վերացման համար ավելի երկար ժամանակ պահանջվեց։ Բացի այդ՝ անհրաժեշտություն էր առաջացել որոշակի ժամանակով հոսանքազրկումներ իրականացնել։

Ըստ նրա՝ այդ ընթացքում բաժանորդներին էլեկտրաէներգիայի մատակարարումը, թեկուզեւ ընդհատումներով, հնարավոր է եղել իրականացնել բացառապես ընկերության իրականացրած ներդրումային ծրագրի շնորհիվ։ Դրա շրջանակներում՝ 2016-2020 թթ., Ծիծեռնակաբերդի ենթակայանից 17 ուղեգծով մալուխներ են հասցվել Կենտրոն վարչական շրջան, որի շնորհիվ էլ հնարավոր դարձավ հավաքել էլեկտրամատակարման ժամանակավոր սխեմաները։

«Եթե Ծիծեռնակաբերդից մինչև Կնետրոն 17 մալուխագիծն անցկացրած չլինեինք, ապա բաժանորդները, որոնք սնվում էին ԳԷՍ-ից, մնալու էին առանց հոսանքի ընդհուպ մինչև օգոստոսի 26-ը»,- ասաց Դարբինյանը՝ հավելելով, որ մյուս հոսանքազրկումների պատճառները ընթացող շինարարական ծավալներն են։

«Կենտրոն վարչական շրջանի բեռը 2000 թվականի համեմատ աճել է 8-10-ը անգամ։ 2016 թվականին բեռը եղել է 60 մեգավատ, իսկ հիմա 120 մեգավատ ։ Երևանում, այսօրվա դրությամբ, 68 հազար նոր բաժանորդի միացման հայտ ունենք, որից 40 հազարն արդեն միացվել է, իսկ 28 հազարը ընթացքի մեջ է»,- ասել է Դարբինյանը՝ նշելով, որ Գյումրի և Վանաձոր քաղաքների բաժանորդների քանակը կազմում է 82 հազար։

«Այսինքն՝ մի Գյումրի եւ Վանաձոր քաղաք վերջին 3 տարիներին միացրել ենք Երևանի տարածք մատակարարմանը։

Ըստ նրա՝ վթարների մոտ 34 տոկոսը տեղի է ունենում շինարարական աշխատանքների ընթացքում մալուխները վնասելու հետեւանքով։

Աղբյուր` Փաստինֆո