Փաստ ինֆո

Ես չեմ դադարելու խոսել արցախցիների վերադարձի իրավունքի մասին, չեմ դադարելու վերադարձի իրավունքը փոխկապակցել ինքնորոշման իրավունքի հետ, որովհետև պատմությունն էլ ցույց տվեց, որ Արցախի ժողովրդի՝ Արցախում ֆիզիկական գոյության միակ և օրինական ճանապարհը ինքնորոշման իրավունքի իրացումն է։ Այսօր տեղի ունեցած ճեպազրուցում ասել է Արցախի Հանրապետության Մարդու Իրավունքների պաշտպան Գեղամ Ստեփանյանը։

Նրա խոսքերով՝ այս պահին որպես առաջնահերթություն հռչակում են վերադարձի իրավունքի թեման եւ արդեն բանակցային սեղանի շուրջ կքննարկեն բոլոր այն տարբերակները, հնարավորությունները, որոնք կարող են ժամանակի ընթացքում առաջանալ։

Ադրադառնալով Փաշինյանի այն հայտարարությանը, թե արցախցիների վերադարձի իրավունքը իրացումն անհնար է և հակասում է ՀՀ շահերին՝ Գ. Ստեփանյանը նշեց. «ենթադրում եմ, որ երբ վերադարձի մասին խոսվում է և դա մենք կապում ենք ինքնորոշման իրավունքի հետ, հավանաբար Փաշինյանի համար Հայաստանի պետական շահին դեմ գնացող արտահայտություն է, բայց դա իր ընկալումն է։ Սա նույն խոսույթի և նույն քաղաքականության շարունակությունն է , այսպես կոչված, նշաձողի իջեցման, որն, ի վերջո, հանգեցրեց նրան , ինչ հիմա մենք ունենք», - ասաց Գեղամ Ստեփանյանը։

Աղբյուր` Փաստինֆո