Փաստ ինֆո

Մենք ողբալու, սգալու, այլևս հիշատակության շարքն անցկացնելու տրամադրությամբ չէ, որ պետք է այս օրը նշենք, այլ մեր ճանապարհներն ուղղելու, մեր մեջքը շտկելու, թեպետ չափազանց խոցված է թե՛ մեր արժանապատվությունը, մեր պատիվը, մեր կենսագրությունը։ Այսօր տեղի ունեցած ճեպազրույցում ասել է Բագրատ Սրբազանը։

Ըստ նրա՝ մեխանիզմների մեջ հանրահաշիվ գոյություն չունի, գոյություն ունի մեկ բան՝ ամբողջական ներուժի հավաքագրմամբ և ներդրամբ պետությունը պետք է նպատակ և օրակարգ ունենա։ Այսօր դժբախտաբար ո՛չ օրակարգ ունի, ո՛չ էլ նպատակ։

Ինչ վերաբերում է շարժմանը, ապա Սրբազանը նշել է, որ այն իր հունով առաջ է ընթանում, կազմակերպչական աշխատանքներ են տարվում։ «Ինչ-որ տեսանելի է՝ կտեսնեք, մասնակցելու է՝ կմասնակցեք, հաղթանակն էլ կտոնենք»,- ասաց Բագրատ Սրբազանը։

Անդրադառնալով քաղաքական աշնան վերաբերյալ Փաշինյանի մամլո ասուլիսում հնչեցրած գնահատականներին՝ Բագրատ Սրբազանը նշեց. «այն վախերը, որ մինչև հիմա ունեն, դա իրենց բավական է, մարդը խոսում է մի երևույթի մասին, որն իրեն սպասում է, ինքը գիտի ինչի մասին է խոսում։ Հիշո՞ւմ եք ԱԺ ամբիոնից իր ճչոցները, լսե՞լ եք վախի մեջ ապրող մարդկանց կլորացրած սատանայական արտահայտությունները, եթե վախ չունենան ինչու են 4, 5, 6 մեքենայով շրջում»,- ասել է Սրբազանը։

Անդրադառնալով Արցախ մեկնելու պատճառների մասին գերության մեջ գտնվող Ռուբեն Վարդանյանի վերաբերյալ հայտարարություններին՝ Սրբազանը անընդունելի համար պատանդառության մեջ գտնվող անձանց մասին թիկունքից «բամբասողի պես» խոսելը։

«Այս օրը նաև այդ խոցված լինելու իմաստով ամենացցուն անարգանքը մեր եղբայրների Բաքվի բանտում գտնվելն է։ Նաև այս ամոթի ու խայտառակության պատկերը մեզ պետք է գործելու մղի, որպեսզի կարողանանաք այդ մարդկանց հետ բերել»,- ասաց Սրբազանը։

Աղբյուր` Փաստինֆո