Փաստ ինֆո

Երևանը կիսաանապատային գոտում է, շատ կարևոր է ունենալ կանաչ տարածքներ։ Հսկայական տարածքներ ենք կորցրել՝ Նորքի, Հաղթանակ զբոսայգու անտառները, Դալմայի այգիները, մենք մեր թոքերը կորցնելուց հետո փորձում ենք բնապահպանական առաջացած խնդիրները փոքր ծրագրերով լուծել, - «Փաստինֆո»-ին ասաց «Էկոլուր» ՀԿ փոխնախագահ Վիկտորյա Բուռնազյանը՝ արձանագրելով, որ ներկայումս մեծ աղտոտման աղբյուր է Նուբարաշենի աղբավայրը ։

«Արդեն մի քանի տարի է, ինչ աղբավայրում տեսնում ենք հրդեհի բռնկման դեպքեր, ինքնաբռնկումներ, աղբավայրից արտանետվում են տարբեր տոքսիկ նյութեր, որոնք մարդու առողջության համար վնասակար են եւ Երևանի, հատկապես Նուբարաշենի բնակիչներն այդ պայմաններում ապրում են»,- ասաց բնապահպանը՝ ավելացնելով, որ երկար տարիներ քննարկվում էր աղբավայրը փակելու և նորը կառուցելու ծրագիրը, բայց 2015 թվականից այն ձգվեց, միցույթներ եղան ու այս տարի չեղյալ համարվեց, ու սկսվեցին նոր քննակումներ՝ նոր աղբավայրի կառուցման նոր բանակցություններ։

«Արդեն երկար տարիներ է, որ մեր դիտարկումները ցույց են տալիս, որ Երևանում փոշու արտանետումների գերազանցում են սահմանային թույլատրելի խտությունը։ Հատկապես մի քանի վարչական շրջաններում այն ավելի բարձր դրսևորում է ունենում, խոսքը գնում է Կենտրոն և Արաբկիր վարչական շրջանների մասին։ Աղտոտվածությունը մեզ մոտ պայմանավորված է ինչպես ինտենսիվ շինարարությամբ, այնպես էլ Երեւանի տարածքում իրականացվող հանքարդյունաբերությամբ։ Մեզ մոտ ոչ մետաղական հանքեր են շահագործվում, տարբեր արտադրություններ ունենք, բայցի այդ՝ շատ են մեքենաների արտանետումները, հողի դեգրադացում ունենք, քամու հետ նաև էրոզացված հողից է փոշի արտանետվում», - ասաց Վիկտորյա Բուռնազյանը։

Նրա փոխանցմամբ՝ մեր օրենսդրությամբ տնտեսվարողներն ունեն որոշակի պարտավորություններ առ այն, որ պետք է շինհրապարակները ջրեն, բեռնատարների անվադողերը լվանան շինհրապարակից դուրս գալիս, շինհրապարակի բարձրությամբ տարածքը պետք է ցանցապատված լինի խիտ ցանցով, որպեսզի փոշին չարտանետվի շինհրապարակի հարակից տարածք։ Վ. Բուռնազյանը փաստեց, որ Եվրոպայում արձանագրել է, թե շինարարություններն ինչպես են զմռսված, իսկ այստեղ այդպես չէ, որոշ տնտեսվարողներ այդ կանոնները պահում են, բայց շատերը փակում են այնքանով, որքանով ։
«Կա Երևանու ավագանու որոշում, որ միտված պետք է լիներ կենտրոն վարչական շրջանում օդի աղտոտվածության թույլատրելի նորմին մոտեցնելուն, կայանատեղիների գների բարձրացումն էլ դրանով էր նաեւ պատճառաբանվում։ Մեկ այլ որոշում էլ կա, որ բեռնատար մեքենաները չպետք է կենտրոն մտնեն, բայց մենք նաև մարդատար մեքենաների հետ խնդիր ունենք, շատ լավ գիտենք, որ մեր ավտոմեքենաների զգալի մասը աշխատում է առանց կատալիզատորի,- ահազանգեց բնապահպանը՝ մատնանշելով, որ Երևանի կորսված թոքերից հետո փոքր ծրագրերով են փորձում լուծել խնդիրները, բայց դրանք հեռու են դեռևս խնդրի լուծումից։

Բնապահպանի արձանագրմամբ՝ Երեւանն ունի կանաչ տարածքների խնդիր, մայրաքաղաքը չի կարողանում հասնել առողջապահության համաշխարհային կազմակերպության կողմից սահմանված մինիմալ նորմին, ամեն շնչի պետք է բաժին ընկնի ամենաքիչը 9 քառակուսի մետր կանաչ տարածք, իսկ օպտիմալ տարածքն ընդհանրապես կազմակերպությունը սահմանել է 50 մ քառակոսին, իսկ Երեւանում 8,12 քկմ է, Կենտրոնում ավելի քիչ է, ընդամենը 3 քկմ։
«Ճիշտ է, հիմա Երևանի քաղաքապետարանն ինչ-որ այգիներ հիմնելու ծրագրեր է իրականացնում, ծառերի փոխարինման ծրագրեր է սկսել անել, բայց եթե Երևանով քայլեք կտեսնեք մի շարք ծառեր, որոնք արդեն չորացել են , այգիներ, որոնք անխնամ են, հիմնականում դրանք այն այգիներն են, որոնք վարձակալության է տրված՝ ըստ մեր դիտարկումների։ Նոր տնկված ծառերի համար ժամանակ է պետք, որ մեծանան ես ինքս ծառագետ չեմ, բայց ծառագետների կարծիքներ կան, որ պետք է ընտրվեն ճիշտ ծառատեսակներ»,- արձանագրեց բնապահպանը։

Աղբյուր` Փաստինֆո