Փաստ ինֆո

Գորիսի քաղաքապետ պարոն Առուշանյանի գործով ունենք դատական վճիռ, որից, այսպես ասած, երեք հատվածից մեկի հետ՝ կապված ՏԻՄ պաշտոն չբաղեցնելու հետ, համաձայն չէր, տուգանքը վճարել է, մյուս մասով էլ է համաձայն։ Իրենց փաստաբանները հարցեր են առաջ քաշում, որի հետ ես՝ որպես Պրոբացիայի ծառայության անունից խոսող անձ ասում եմ, որ համաձայն չեմ, բայց ունենք ընթացիկ դատական գործ, հատուկ կարծիք չասեմ։ Սպասենք նիստին։ Այս մասին լրագրողների հետ զրույցում ասաց ՀՀ արդարադատության նախարար Գրիգոր Մինասյանը՝ պատասխանելով հարցին, թե ի վերջո Առուշ Առուշանյանը ենթակա է կալանավորման, թե՝ ոչ։

Ինչ վերաբերում է Առուշ Առուշանյանի բողոքին՝ Պրոբացիայի ծառայության գործողությունների դեմ, որը մերժվել է, Մինասյանը մանրամասնեց, որ ավագանին ներկայացրել էր, որ չունի լիազորություն՝ դադարեցնելու Առուշանյանի լիազորությունները, սակայն դատարանն արձանագրել է, որ Պրոբացիայի ծառայության գործողություններն օրինական են։
«Կա դատարանի վճիռ, որում հստակ նշված է, որ պարոն Առուշանյանը չպետք է լինի քաղաքապետ։ Կամ հրաժարական է տալիս քաղաքապետը, կամ ավագանին ունի լիազորություն՝ այդ հիմքով անվստահություն հայտնելու։ Դատարանն է որոշում՝ ի վերջո ինչպես պետք է տեղի ունենա պրոցեսը»,- ասաց նա։

Դիտարկմանը, որ Առուշանյանն ավելի շատ իշխանական գծի մեջ է, հնարավո՞ր է որոշակի փոփոխություն լինի՝ Մինասյանը նշեց, որ կան բոլոր ապացույցները, որ այստեղ քաղաքական գործընթաց չկա, սովորական իրավական գործընթացներ են՝ Պրոբացիան իր գործունեությունն է իրականացնում, ավագանին՝ իր, Առուշանյանն իր պաշտպանությունն է իրականացնում։

Աղբյուր` Փաստինֆո