Փաստ ինֆո

Հայկական Սփյուռքը տարիներ ու տասնամյակներ ազարբայջան սարքովի պետության, ընդհանրապես, տանդեմի  համար եղել է նրանց  մեծապետական նպատակներին ուղղված լրջագույն խոչընդոտ, ինչն այսօր տանդեմը առնվազն, արտաքուստ հաղթահարված է համարում։

Համահայկական ցանկացած  նախաձեռնություն,  հայահավաք յուրաքանչյուր ծրագիր  խանգարիչ հանգամանք լինելուց զատ ուղղակի հարևանների նախանձն էր շարժում։

Այսօր կարելի է ասել իրավիճակ է փոխվել և դա տեղի է ունեցել մեհրիբան ալիևա-փաշաևայի քաղաքական ասպարեզ մտնելուց հետո։ Վերջինս լծվեց ինչպես արհեստական ճանապարհով ազարբայջանական սփյուռքի ձևավորմանը, այնպես էլ՝ քարոզչական  պայքարի բնագիծն իր համակարգման տակ առավ։

Ահավասիկ, տեղեկատվությունը, ըստ որի օգոստոսի 6-ին, Բերձորում տեղի է ունեցել այսպես կոչված՝ «Արևմտյան Ադրբեջանի համայնք»-ի նախաձեռնած հավաքը՝  «Սփյուռքի երիտասարդության հինգերորդ ամառային ճամբար»-ի շրջանակներում, վերը  ասվածի համատեքստում է։ Իրականում այդ՝  այսպես կոչված «սփյուռքի երիտասարդության»  միջոցով / գաղտնիք չէ, որ նրանք բավական մեծ տոկոս են կազմում Գերմանիայում/ ազարբայջանը  նպատակ ունի  հայության հանդեպ ատելություն գեներացնել, թիրախային պայքար մղել տարբեր ուղղություններով։ Աշխարհը ստի և կեղծիքի վրա հիմնված տեղեկատվական-քարոզչական նյութերով, հրատարակություններով հեղեղելը ուղղություններից մեկն է։

Հիշյալ  հավաքի միտք բանին, ըստ էության, ալիևյան պետական քաղաքականության, այն է՝ հայկական ժառանգության յուրացման քաղաքականությանն է ուղղված և միտված։  

Հիմա, տեղեկատվության համաձայն, այս անգամ  ճամբարականների թիրախում Քարահունջի աստղադիտարանն է եղել։ 

Իհարկե, զարմանալուց և զայրանալուց զատ, սոցցանցային գրառումներից անդին այս համատեքստում ուղղորդված գործունեություն է պետք իրականացնել, ինչը ոչ միայն հայկական կողմը  պետական մակարդակով չի կատարում, այլև՝ պետականորեն ջուր է լցվում տանդեմի ջրաղացին, որն, ի դեպ,  գործում է ամեն օր և ամեն ժամ՝ յուրացնելով այն, ինչ հայկական է, այն, ինչ հայի ստեղծածն է․  հայի հայրենիքից հայկական  հետքն է  ցանկանում ջնջել՝ օրվա պատեհությունից՝ ՀՀ  ներկա իշխանության թուլությունից օգտվելով՝ զավթում է մեր  հողն ու ջուրը, հայրենիքը, ընդ որում,  այսպես կոչված՝ քաղաքակիրթ արևմուտքի լռության ներքո․․․

Սյունյաց աշխարհի հրաշալիքներից մեկի՝ Քարահունջի վերաբերյալ ազարբայջանի զավթողական նկրտումներին հա՞րկ է, չէ՞, որ ՀՀ իշխանությունները հավուր պատշաճի արձագանքեն, ի մասնավորի՝ ԱԳՆ-ն պիտի պատասխանի, սակայն, եթե հիշում եք, մի քանի օր առաջ արտաքին գերատեսչության պատասխանատուն  ցանկանում էր արտաքին հարաբերությունները փոխարինել անասնապահությամբ ու անասնաբուծությամբ։  Ասել է՝ խնդրո առարկա ատյանից որևէ սպասելիք չի կարող լինել։ Ավելի վերին ատյաններից՝ նույնպես․․․

 Այն, որ հայկական Քարահունջը, բրիտանական Սթոունհենջից ավելի հին է, բազմաթիվ գիտնականներ են վկայել, բայց 2018-ի  իշխանազավթումից հետո, երբ իշխանության ղեկի մոտ հայտնվածը իր թերարժեքության բարդույթները սկսեց հրապարակայնացնել՝ դրանք տարածելով Քարահունջի, Գառնիի, մայրաքաղաք Երևանի  վրա, ընդ որում, ցիտելով իր ստեղծագործությունից հատվածներ,   ուղղակի պարզ դարձավ, որ այս ստորադասության բարդույթներն էլ  իր ստացած հանձնարարությունների տիրույթում են։  Այսինքն, հաճախ, հարվածները գալիս են մեր ներսից․․․

Բայց Քարահունջի հետ  ազարբայջան՝ նորերս 100-ամյակը բոլորած բոլշևիկյան ծնունդ-պետությունն ի՞նչ գործ կարող է ունենալ։ Ու այս րեմն, դեռ 2000-ականների կեսին այս սարքովի  պետության ղեկավարը, թերևս, պատահաբար չէր իր գիտնականներին պատվիրել «արևմտյան ազարբայջան» աշխատություն հորինել և տարածել աշխարհի տարբեր պետությունների մայրաքաղաքներում, գիտակրթական կենտրոններում՝ հայկական մշակութային ժառանգությունը ներկայացնելով իրենցը։

Ի վերջո, վերջին տարիներին հո պատահկան չէ, որ Բրիտանական թանգարանում Պատմական Հայաստանի տարածքում Հին աշխարհում չտեսնված, չլսված «ազարբայջան» պետություն է քարտեզի վրա հանկած ծլում։ Ճիշտ այս մոտիվն էր, որ հետո կիրառվեց ոմն պատմաբանի ձեռամբ՝ ժամանակագրական անոմալիաներն իրար կողքի դնելով և և սովորողներին ներկայացնելով իբրև թե՝  վերջիններիս միտքը շարժելու համատեքստում է։

Պատկերացնու՞մ եք՝Հին աշխարհում «ազարբայջա՞ն»՝ բոլշևիզմի կամոք հորինված պետություն, որպիսին հարևան Իրանը չի ճանաչում, Հունաստանը չգիտի...

Բայց այ, Բրիտանիան  նոր քարտեզներ է հորինում...Այս դեպքում նա սովետի համախոհն է, փաստորեն․․․

Ստահոդ պետության «ալիևյան դինաստիայի» պատվերով աշխարհի մայրաքաղաքներն ու ուսումնական կենտրոնները ազարբայջանի նավթահոտ անհեթեթություններն են տարածում, բացարձակ սուտ ու կեղծիք: Իսկ երկու բրիտանացի մշակութաբան ՝ Հոնըրն ու Ֆլեմինգը /Hugh Honour and John Fleming/ -ը  «A World history of art»-ի` բազմաթիվ հրատարակություններում  կեղծիքի գիծը բռնած գնում են՝ ըստ ամենայնի, ամեն նոր հրատարակությամբ մեծացնելով ազարբայջանական ստերի դոզան...

Փառք Աստծո, որ  հարևան Իրանը, ի մասնավորի՝ պատմաբան Հոսեյն Ահմադի՝ արդեն մի քանի անգամ վերահրատարակված աշխատությունը  նկատի ունեմ, ուր հեղինակը  շատ հստակ,  ընդ որում, հենց մենագրության վերնագրով իսկ՝«Ադրբեջանի հանրապետություն․ 23 տարի ազգ-պետություն ստեղծելու ճանապարհին»՝ փաստում է, թե ինչ ասել է ազարբայջան: Ի դեպ, այս գրքի  առաջին հրատարակումից  տասնամյակներ են անցել, սակայն ազարբայջանը դեռ ազգ-պետություն ստեղծելու ճանապարհին է․․․

Իսկ ի՞նչ են անում և ասում հայերը: Թավշյա առաջնորդն, օրինակ՝  մի գիրք է գրել՝ «Երկրի հակառակ կողմը» կոչվող, ուր այսպիսի տողեր ունի ՝

Ի՞նչ է սա, Շուշին դժբախտ դժգույն քաղաք է, մեզ պե՞տք է Շուշին՝ տրամաբանությա՞մբ...Գառնին հավաբուն , իսկ Քարահունջի աստղադիտարանը քարկտիկի քար համարող անձը, որ Երևանի տարիքն էլ նվազեցնում է հեշտորեն, հո պատահական չէ՞ այս տողերը գրել։ Նա հանձնարարություն է ստացել ու կատարել է...դե, բրիտներն էլ ալիևյան ստերի հետևում դիք կանգնած են, մանավանդ,ներսում՝ ալիևի  կամակատարն է  իր գործն անում․․․

Փոխարենը՝ հայերին բրիտանավիք որպես կոնֆետ՝ Անահիտ աստվածուհու գլուխն են  ցույց տալիս՝ սիրաշահում․․․ այս մոտիվով․ կբերենք՝ կցուցադրեք, ձերն է, իսկ մենք սիրով Անահիտ աստվածուհուն   ներկայացնում ենք աշխարհին՝ Անտոլիա անվամբ սրահում...

Մենք գիտենք մեր ունեցածի իմաստը, արժեքը, խորքը, նախեղակ էությունը։

Բայց գիտենալը քիչ է, պիտի նախահարձակ լինել միշտ, մինչդեռ այսօր հակահարձակում էլ չկա․․․

Ա․Ե․

Աղբյուր` Փաստինֆո