Փաստ ինֆո

Մենք հայ ենք, աշխարհի ամենաառաջին քրիստոնյա ազգը, որը պետականորեն ընդունել է քրիստոնեությունը։ Մենք պետք է ամբողջ աշխարհին դա ասենք։ Այսօր լրագրողների հետ զրույցում ասել է ԲՀԿ առաջնորդ Գագիկ Ծառուկյանը, ում նախաձեռնությամբ Կոտայքի մարզում նախատեսվում է տեղադրել Հիսուս Քրիտոսի արձանը։
Ծառուկյանը նշել է, որ քննադատություններին նորմալ է վերաբերվում։

«Աշխարհով մեկ ինչ-որ լավ բան երբ արվում է, մեկ է լինում են մարդիկ, որոնք քննադատում են, որոնք դեմ են, որոնք կողմ են, որոնք ձեռնպահ են։ Ամեն ինչի ապացույցը ժամանակն է, ես կարող եմ ասել, որ սա լինելու է մեր երկրի համար ճանաչման , հզորացման հրաշալիքներից մեկը։ Չեմ ընդունում միայն չարախոսություն»,- ասել է Գ. Ծառուկյանը։

Նա նկատել է, որ ժամանակին Ֆրանսիայում դեմ էին նաեւ Էֆելյան աշտարակի կառուցմանը, իսկ հիմա այն հրաշալիքներից մեկն է, որ այսօր Փարիզը, որպես տուրիզմի կենտրոն բոլորը տեսնում են, հիանում են, ամբողջ աշխարհը դրա մասին։

«Գազ չունենք, նավթ չունենք, բայց ունենք պատմական երկիր, հզոր երկիր, մեր ազգը խեղճ չպետք է լինի, մենք մեր եղածը պետք է կարողանանք աշխարհին ներկայացնել, սա լինելու է աշխարհի հրաշալիքներից մեկը»,- հայտարարել է Գ. Ծառուկյանը։

Աղբյուր` Փաստինֆո