Փաստ ինֆո

«Վերածնունդ» երիտասարդական ավանի բնակիչներն այսօր փակել են Մ.Մելքոնյան փողոցը՝ պահանջելով նախատեսել հետիոտնային անցում։ Ավանն արդեն բնակեցվում է, սակայն հարակից փողոցներում հետիոտնային անցումներ չկան, իսկ քաղաքապետարանը հստակ չի պատասխանում, թե երբ կլուծի հարցը, - ասում են բնակիչները:

«Սա կղզի է, հանձնել են շենքերը ու չունենք հետիոտնային անցում»,- ճանապարհը բացելու խնդրանով բողոքի գործողության մասնակիցներին մոտեցած վարոդներից մեկին ասաց բնակիչներից Արթուր Եղիազարյանը:

Ակցիայի շրջանակներում, ավանում արդեն բնակություն հաստատած ընտանիքների երեխաները կավիճով ճանապարհի վրա նկարում են հետիոտնային գետնանցում, մեծերն այդ ընթացքում շարունակում են փակ պահել ճանապարհը՝ նաև պահպանելով երեխաների անվտանգությունը:

«Ոչ միայն այս հատվածում է հարկավոր հետիոտնային անցում, այլև շենքի մյուս հատվածից»,- լրատվամիջոցներին ասաց բնակչուհի Մարիամ Կարապետյանը: Նրա փոխանցմամբ՝ Երևանի քաղաքապետարանից խոստացել են ավելի լայն հատվածում գծանշում անել հետիոտնային անցումի համար, բայց դա բնակիչներին չի բավարարում: Մարիամը տեղեկացրեց, որ տարածքում զբոսնելը՝ ոտքով կամ գործով դուրս գալն անհնար է:

«Այս թաղամասը Երևան քաղաքին կապելու համար պետք են վերնանցումներ, բայց սկզբում համաձայն ենք գծանշման», - ասացին բողոքին ակցիայի մասնակիցները:

Աղբյուր` Փաստինֆո