Փաստ ինֆո

Հսկայական պիթոնը դուրս է եկել զուգարանակոնքից եւ խայթել Թաիլանդի բնակչին։ Տղամարդը ստիպված է եղել օձի դեմ պայքարել զուգարանի խոզանակով։

Թաիլանդի բնակիչ Թանաթ Թանգթեվանոնը զուգարանակոնքի վրա նստելիս բախվել է 12 ոտնաչափ (365,76 սմ) պիթոնին: Հանկարծ տղամարդը սուր ցավ է զգացել։ Նա բնազդաբար կռացել, ձեռքը իջեցրել է ցած, դեմ առել օձին և փորձել պոկել դրան իրենից:

Պիթոնը չէր պատրաստվում բացել ատամները, այդ ժամանակ տղամարդը վերցրել է զուգարանակոնքի խոզանակը եւ սկսել հարվածել սողունի գլխին։ Նա հարվածներ է հասցրել այնքան ժամանակ, մինչև պիթոնը բաց է թողել ժանիքները։

«Ես ցավ էի զգում, իսկապես ուժեղ ցավ։ Ամենուր արյուն էր, բայց ամենից շատ ցնցվեցի, երբ պիթոնը սողաց իմ զուգարան», - պատմել է Թանգտեվանոնը։

Հաղթելով օձին՝ տղամարդը գնացել է հիվանդանոց՝ փայտացման դեմ պատվաստվելու։ Կծած տեղում կարեր պետք չէր դնել, քանի որ վերքը մակերեսային էր։ Բժիշկները նշել են, որ Տանգտեվանոնի բախտը բերել է. օձը թունավոր չէր:

Այժմ տղամարդը խուսափում է զուգարանից, որտեղ նրա վրա հարձակվել է պիթոնը։ Մնացածը նա նախ ստուգում է խոզանակով և միայն դրանից հետո օգտագործում ըստ նշանակության, գրում է The Daily Mail-ը։

Աղբյուր` Փաստինֆո