Փաստ ինֆո

«Մենք՝ հայերս, շատ նախանձախնդիր ենք Ադրբեջանի և Թուրքիայի հետ Ռուսաստանի հարաբերությունների նկատմամբ։ Այս շփումները մեզ շատ են նյարդայնացնում։ Բայց չեմ կարծում, որ Պուտինի վերջին այցը Բաքու պետք է ընկալել որպես հակահայկական դեմարշ»,- «Փաստինֆո» - ի եթերում հայտարարել Է սահմանապահ զորքերի հիմնադիր և Երրորդ Հանրապետության առաջին զինկոմ, գեներալ-մայոր Լևոն Ստեփանյանը։

«Ռուսաստանն, ամենայն հավանականությամբ, լուծում է իր խնդիրները՝ կապված այն գործընթացների հետ, որոնք այսօր տեղի են ունենում աշխարհում, հատկապես Մերձավոր Արևելքում։ Այսօր իրավիճակն այնպիսին է, ինչպիսին ես չեմ հիշում իմ ամբողջ կենսագրության մեջ. փոքրագույն սխալ, և կարող է բռնկվել Երրորդ համաշխարհային պատերազմը։ Կարծում եմ, որ ՌԴ նախագահի այցը Բաքու ամենից շատ կապված էր Իրանի, այլ ոչ թե Հայաստանի հետ։ Չմոռանանք, թե որքան լուրջ իրավիճակ է ստեղծվել Մերձավոր Արևելքում», - նշել Է զրուցակիցը։

Գեներալ-մայորի կարծիքով՝ այսօր հասարակությանը պարտադրվում է Հայաստանի՝ Եվրամիությանն անդամակցելու գաղափարը։ «Խորհրդարանում չհայտնված կուսակցությունները, որոնց ժողովուրդը չցանկացավ այնտեղ տեսնել, տեսնում եք, նախաձեռնում են ԵՄ անդամակցության հանրաքվե՝ իշխանությունների հետ շփման ինչ-որ լծակներ ունենալով։ Ցավոք, մեր հասարակությունը խեղաթյուրված է ընկալում իրավիճակը։ Իրականում Եվրոպան Մենք չենք տեսնի ինճպես սեփական ականջները», - հայտարարեց Ստեփանյանը՝ հիմնավորելով իր դիրքորոշումը։ Նա նաև հավելեց, որ եթե Ռուսաստանը հեռանա Հայաստանից, ապա այստեղ կգերիշխի Թուրքիան՝ որպես ՆԱՏՕ-ի անդամ, որին Արևմուտքը վստահում է:

Գեներալ-մայորի կարծիքով՝ սեպտեմբերին իշխանությունները կակտիվացնեն ԵՄ-ին ՀՀ անդամակցության թեման։ Աշնանը հանրաքվեի վերաբերյալ որոշում կկայացվի։ «Ժողովրդին պետք է բացատրել, որ դա ուղղակի անիրատեսական է»,- հայտարարել է նա։

Աղբյուր` Փաստինֆո