Փաստ ինֆո

Սյունիքում հայկական կողմի, այսպես ասած, սաբոտաժի մասին ՌԴ արտգործնախարար Սերգեյ Լավրովի խոսքերը մանիպուլյատիվ են և միակողմանի։ «Փաստինֆո»-ին ասաց քաղաքագետ Արա Պողոսյանը։

Ըստ նրա՝ Հայաստանին և Ադրբեջանին վերաբերող Լավրովի և ՌԴ Նախագահ Պուտինի հայտարարություններում շատ կարևոր ենթախորշ կա։

«Փորձ է արվում հղումներ կատարել 2020 թ.-ի նոյեմբերի 9-ի եռակողմ հայտարարությանը, ընդ որում՝ միայն 9-րդ կետին, որը խոսում է կոմունիկացիաների մասին, Հայաստանի տարածքով Ադրբեջանի՝ Նախիջևանի հետ ցամաքային կապի ապահովման համատեքստում»,- նշել է բանախոսն ու ավելացրել, որ «եռակողմ հայտարարության» ֆունդամենտալ նշանակությունը ՌԴ համար հենց այդ լծակն էր, որ ապագայում բացվող, այսպես կոչված, կոմունիկացիաների վրա ՌԴ-ն կստանա վերահսկողություն, ինչի էլեմենտը կար եռակողմ հայտարարության մեջ, որ Ադրբեջանի ու Նախիջևանի ՀՀ տարածքով անցնող ցամակային կապի անվտանգությունն ապահովելու են ռուս սահմանապահները։ Սա, բնականաբար, ՌԴ-ի համար կարևոր է և այդ եռակողմ հայտարարության մեջ ՌԴ շահը հենց այս կետն էր, որը համադրվել էր Ադրբեջանի շահերի հետ, բնականաբար, խոսքը միջանցքի մասին չէ, ինչպես խոսում են Ադրբեջանում»։

Քաղաքագետի արձանագրմամբ՝ եռակողմ հայտարարության ֆունդամենտալ նշանակությունը կամ հիմնական օբյեկտն Արցախն էր և Լաչինի միջանցքը, իսկ հիմնական սուբյեկտները՝ Հայաստանն ու Ադրբեջանը, որոնցից մեկը՝ Ադրբեջանը, ուղղակի տորպեդահարել և վերացրել է «Եռակողմ հայտարարությունը», իսկ Հայաստանի համար այլեւ իմաստազուրկ է դարձել խոսել եռակողմ հայտարարության մասին։

«Տեղին եմ համարում հիշեցնել Ալիևի 2021թ. հայտարարության մասին, երբ թեժ էր, այսպես կոչված, «Զանգեզուրյան միջանցքի» գաղափարը, Ալիևը հետևյալ հայտարարությունն արեց, որ եթե Լաչինի միջանցքը գործում է միջանցքային տրամաբանության կարգավիճակով, ապա, այսպես կոչված Զանգեզուրյան միջանցքը պետք է գործի անալոգային ձևով, պետք է ունենա նույն կարգավիճակն ու նույն սկզբունքները։ ԼՂՀ-ն հայաթափվել է, էթնիկ զտումն իրականացվել է ռուս խաղաղապահներն այլևս չեն ապահովում հայ բնակչության անվտանգությունը ԼՂՀ-ում, չկա Լաչինի միջանքը, որի անխափան գործունությունը պետք է վերահսկեին ռուս խաղաղապահները, հետևաբար չկա նաև եռակողմ հայտարարություն եւ այստեղ տորպեդահարման, սաբոտաժի մասին խոսքերը մանիպուլյատիվ են և միակողմանի, զուտ այսրոպեական շահերի մասին է խոսքը և ոչ թե խնդրի», - ընդգծեց ասաց Արա Պոսղոսյանը։

Աղբյուր` Փաստինֆո