Փաստ ինֆո

Չինաստանում տղամարդը բաժանվել է կյանքից այն բանից հետո, երբ իմացել է կնոջ դավաճանության մասին։ Այս մասին գրում է South China Morning Post-ը։

Վանգ ազգանունով 26-ամյա տղամարդու պատմությունը սոցցանցերում պատմել է նրա մայրը։ Նրա խոսքով՝ ամեն ինչ սկսվել է այն ժամանակ, երբ որդին Մաո ազգանունով կնոջ հին հեռախոսից տեղեկությունը փոխանցում էր նոր հեռախոսի մեջ, որը նրան նվեր էր գնել: Նա մեսենջերում նամակագրություն է նկատել մի կնոջ միջեւ, որն աշխատում էր որպես բուժքույր, եւ նրա գործընկերոջ՝ բժիշկ-վիրաբույժի: Հաղորդագրություններից ակնհայտ էր, որ նրանք սիրահարներ են, և նրանց սիրավեպը տևում է մի քանի ամիս:

Մաոն Վանգի առաջին և միակ սերն էր, նրանք հանդիպել են համալսարանում 2019-ին և ամուսնացել նրա դավաճանությունից ընդամենը կես տարի առաջ: Սկզբում տղամարդը մտածել է, որ գործընկերը կարող էր ստիպել կնոջը սեռական հարաբերություն ունենալ իր հետ կամ նույնիսկ բռնաբարել նրան: Բայց ոստիկանություն դիմելուց և կարճ հետաքննությունից հետո պարզվեց, որ Մաոն ինքնակամ մտել է այդ հարաբերությունների մեջ: Նա ամեն ինչ խոստովանել է Վանգին և ներողություն խնդրել: Տղամարդը չի դիմացել ճշմարտությանը, նա հուզական պոռթկում է ունեցել։

Դրանից հետո երկուսով արձակուրդ են գնացել հանգստավայր, որտեղ նրանք ճանապարհորդում էին ուսանողական տարիներին՝ հարաբերությունները վերականգնելու հույսով: Ընդ որում, նրանք տեղավորվել են հաստատել առանձին սենյակներում։ Սակայն Մաոյի դավաճանությունը Վանգին հանգիստ չէր տալիս։ Օգոստոսի 2-ի գիշերը նա կնոջը գրություն է գրել, որում շնորհակալություն է հայտնել նրան «լավագույն տարիներն իր հետ անցկացնելու համար» և խոստացել է սիրել նրան «նույնիսկ այն աշխարհում»։ Մաոն միայն առավոտյան է տեսել գրությունը և շտապել Վանգի սենյակ: Ամուսինը ողջ է եղել, սակայն գտնվել է խառը զգացմունքների մեջ։ Մի պահ նա հարձակվել է կնոջ վրա և բռնել պարանոցից, բայց հետո դուրս է հանել սենյակից, քանի որ չէր ուզում ցավ պատճառել նրան: Այնուհետեւ նա ինքնասպանություն է գործել։

Աղբյուր` Փաստինֆո